ბატონო ლაშა,

საქართველოს ენერგეტიკისა და წყალმომარაგების მარეგულირებელი ეროვნული კომისიის (შემდგომში – კომისია) ელექტრონულ მისამართზე 2022 წლის 11 აპრილს შემოსულ თქვენს წერილთან დაკავშირებით გაცნობებთ, რომ ხსენებული განცხადება არ აკმაყოფილებს საქართველოს ზოგადი ადმინისტრაციული კოდექსით განსაზღვრულ მოთხოვნებს შემდეგი გარემოებების გამო:
საქართველოს ზოგადი ადმინისტრაციული კოდექსის 77-ე მუხლის პირველი ნაწილის თანახმად, თუ კანონმდებლობით სხვა რამ არ არის დადგენილი, განცხადება შეტანილი უნდა იქნეს იმ ადმინისტრაციულ ორგანოში, რომელიც უფლებამოსილია გადაწყვიტოს განცხადებაში დასმული საკითხი და გამოსცეს შესაბამისი ინდივიდუალური ადმინისტრაციულ-სამართლებრივი აქტი, მე-2 ნაწილის თანახმად, განცხადებისა და მასზე დართული დოკუმენტების თუ სხვა სახის ინფორმაციის წარდგენის წესი, თუკი იგი დადგენილი არ არის კანონით ან მის საფუძველზე გამოცემული კანონქვემდებარე აქტით, განისაზღვრება შესაბამისი ადმინისტრაციული ორგანოს დებულებით, ხოლო საქართველოს ზოგადი ადმინისტრაციული კოდექსის 78-ე მუხლის პირველი ნაწილის „დ“ ქვეპუნქტის თანახმად, ადმინისტრაციულ ორგანოში წერილობითი ფორმით წარდგენილი განცხადება სავალდებულოდ უნდა შეიცავდეს განმცხადებლის ხელმოწერას.
კომისიის 2021 წლის 13 მაისის N9 დადგენილებით დამტკიცებული „საქართველოს ენერგეტიკისა და წყალმომარაგების მარეგულირებელი ეროვნული კომისიის მიერ ადმინისტრაციული წარმოების განხორციელების დებულების“ მე-13 მუხლის პირველი პუნქტის თანახმად, განცხადება კომისიას შესაძლებელია წარედგინოს როგორც მატერიალური, ისე – ელექტრონული ფორმით. კომისიაში ელექტრონული ფორმით წარდგენილი განცხადება ხელმოწერილი (დადასტურებული) უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით დადგენილი წესის შესაბამისად, ხოლო მე-2 პუნქტის თანახმად, განცხადება უნდა შეიცავდეს საქართველოს ზოგადი ადმინისტრაციული კოდექსის 78-ე მუხლის პირველი ნაწილით გათვალისწინებულ ინფორმაციასა და მონაცემებს.
საქართველოს ზოგადი ადმინისტრაციული კოდექსის 83-ე მუხლის მე-2 ნაწილის თანახმად, „თუ განმცხადებელი ადმინისტრაციულ ორგანოს არ წარუდგენს კანონით ან მის საფუძველზე გამოცემული კანონქვემდებარე აქტით გათვალისწინებულ რაიმე დოკუმენტს ან სხვა ინფორმაციას, რაც აუცილებელია საქმის გადაწყვეტისათვის, ადმინისტრაციული ორგანო განმცხადებელს განუსაზღვრავს ვადას, რომლის განმავლობაშიც მან უნდა წარადგინოს დამატებითი დოკუმენტი ან ინფორმაცია“, ხოლო მე-5 ნაწილის თანახმად, „თუ დადგენილ ვადაში განმცხადებელი არ წარადგენს შესაბამის დოკუმენტს ან ინფორმაციას, ადმინისტრაციული ორგანო უფლებამოსილია გამოიტანოს გადაწყვეტილება განცხადების განუხილველად დატოვების შესახებ“. იგივე მოთხოვნებს შეიცავს კომისიის 2021 წლის 13 მაისის N9 დადგენილებით დამტკიცებული „საქართველოს ენერგეტიკისა და წყალმომარაგების მარეგულირებელი ეროვნული კომისიის მიერ ადმინისტრაციული წარმოების განხორციელების დებულების“ მე-14 მუხლი.
აღნიშნულიდან გამომდინარე, რამდენედაც თქვენი ელექტრონული წერილი არ პასუხობს მითითებული ნორმატიული დანაწესების მოთხოვნებს, გთხოვთ ხელმოწერილი განცხადება კომისიის კანცელარიაში რეგისტრაციის გზით წარმოადგინოთ 5 დღის ვადაში, წინააღმდეგ შემთხვევაში თქვენი განცხადება დარჩება განუხილველი.

პატივისცემით,

ელეონორა ლაგვილავა,
საჯარო ინფორმაციის ხელმისაწვდომობაზე პასუხისმგებელი პირი

-----Original Message-----
From: ლაშა ახალაია [mailto:[მოთხოვნის #534 ელ-ფოსტა]]
Sent: Sunday, April 10, 2022 11:14 PM
To: publicinfo <[ენერგეტიკისა და წყალმომარაგების მარეგულირებელი ეროვნული კომისია მოთხოვნის ელ-ფოსტა]>
Subject: საჯარო ინფორმაციის მოთხოვნა - ინფორმაციის მოთხოვნა გაზის გაჟონვის/ინტოქსიკაციის შესახებ

მოგესალმებით,

გაცნობებთ, რომ მონაწილეობას ვიღებ მონაცემთა ანალიზისა და ვიზუალიზაციის სასწავლო კურსში, რომელიც ტარდება USAID-ის ეკონომიკური მმართველობის პროგრამის მხარდაჭერით, ფორსეტისა და MaxinAI-ის ორგანიზებით. სასწავლო კურსის ფარგლებში ვატარებ კვლევას, რომელიც მიზნად ისახავს შეაფასოს ბუნებრივი აირის მოხმარების უსაფრთხოების კუთხით არსებული მდგომარეობა და ტენდენციები, რისთვისაც მესაჭიროება შემდეგი სახის ინფორმაცია:
• ინფორმაცია 2016-2021 წლებში ბუნებრივი აირით ან CO-თი მოწამვლის და გარდაცვალების ფაქტების შესახებ (რაოდენობები) მუნიციპალიტეტების და თვეების მიხედვით
• ინფორმაცია 2016-2021 წლებში ბუნებრივი აირის ან CO-ს გაჟონვის შესახებ გაზგამანაწილებელი კომპანიების ცხელ ხაზზე შემოსული შეტყობინებების თაობაზე თვეების მიხედვით
• 2016-2021 წლებში გაზგამანაწილებელი ქსელის აბონენტების რაოდენობა წლების და მუნიციპალიტეტების მიხედვით
• ინფორმაცია 2016-2021 წლებში დალუქული კუსტარულად დამონტაჟებული მოწყობილობების შესახებ მუნიციპალიტეტების და თვეების მიხედვით
• ინფორმაცია 2016-2021 წლებში გაზგამანაწილებელ კომპანიებში რეაგირების ჯგუფების საკადრო უზრუნველყოფის შესახებ (მუშახელის რაოდენობა) კომპანიების, რეგიონების ან მუნიციპალიტეტების მიხედვით.

გთხოვთ, მომაწოდოთ აღნიშნული ინფორმაცია შეძლებისდაგვარად მოკლე ვადაში.

პატივისცემით,

ლაშა ახალაია

-------------------------------------------------------------------

საჯარო ინფორმაციის მოთხოვნა გამოგზავნილია AskGov.ge-დან. ღია მმართველობის პარტნიორობით, პლატფორმა ინფორმაციის მოთხოვნის პროცედურის გამარტივებას და ინკლუზიურობას ემსახურება. მოცემული წერილი წარმოადგენს საჯარო ინფორმაციის ელექტრონული ფორმით მოთხოვნას და სზაკ-ის 37-ე მუხლის თანახმად, საჯარო დაწესებულება ვალდებულია უზრუნველყოს მოქალაქის მოთხოვნაზე რეაგირება. ინფორმაცია შეგიძლიათ გასცეთ ამავე წერილზე პასუხით, ან მოცემულ ელ-ფოსტაზე წერილის გაგზავნით:
[მოთხოვნის #534 ელ-ფოსტა]

[ენერგეტიკისა და წყალმომარაგების მარეგულირებელი ეროვნული კომისია მოთხოვნის ელ-ფოსტა] არასწორი მისამართია საჯარო დაწესებულებისთვის "ენერგეტიკისა და წყალმომარაგების მარეგულირებელი ეროვნული კომისია" განცხადებების გასაგზავნად? მისამართის განახლებისთვის, დაგვიკავშირდი:
http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge. კონფიდენციალურობის პოლიტიკა:
http://askgov.ge/ka/help/officers

როგორც საჯარო ინფორმაციის გაცემაზე პასუხისმგებელმა პირს, თუ ეს სერვისი სასარგებლოდ მიგაჩნიათ, მოხარული ვიქნებით, თუ ჩვენი პორტალის შესახებ ინფორმაციას თქვენი ორგანიზაციის ვებგვერდზე განათავსებთ.

-------------------------------------------------------------------

ციტატირებული სექციების დამალვა