გამარჯობა,

გაცნობებთ, რომ „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის თანახმად, თუ ფიზიკური პირი ან კერძო სამართლის იურიდიული პირი ადმინისტრაციულ ორგანოსთან ურთიერთობისას კომუნიკაციის ელექტრონულ ფორმას აირჩევს და მის მიერ წარდგენილი დოკუმენტი ხელმოწერას ან/და შტამპს საჭიროებს, სავალდებულოა ამ დოკუმენტზე კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა. ეს წესი არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.

თქვენ მიერ ელექტრონულად გამოგზავნილ დოკუმენტზე კანონის მოთხოვნათა შესაბამისად არ არის შესრულებული/დასმული კვალიფიციური ელექტრონული ხელმოწერა/კვალიფიციური ელექტრონული შტამპი. შესაბამისად, იმისათვის, რათა სსიპ – ციფრული მმართველობის სააგენტომ, როგორც ადმინისტრაციულმა ორგანომ, მიიღოს თქვენ მიერ ელექტრონული ფორმით გამოგზავნილი დოკუმენტი, გთხოვთ ამ დოკუმენტზე შეასრულოთ/დასვათ კვალიფიციური ელექტრონული ხელმოწერა/კვალიფიციური ელექტრონული შტამპი.

დამატებით გაცნობებთ, რომ თუ არ ფლობთ კვალიფიციურ ელექტრონულ ხელმოწერას/კვალიფიციურ ელექტრონულ შტამპს, ასეთ შემთხვევაში, დოკუმენტი უნდა წარმოადგინოთ მატერიალურად, პირადი ხელმოწერის გამოყენებით, სსიპ – ციფრული მმართველობის სააგენტოს მისამართზე: ქ. თბილისი 0114, ვახტანგ გორგასლის №22.

პატივისცემით,

სსიპ „ციფრული მმართველობის სააგენტო“
ვახტანგ გორგასლის ქ. 22
0114, თბილისი, საქართველო
 

LEPL “Digital Governance Agency”
22 Vakhtang Gorgasali Str.,
Tbilisi 0114 Georgia
 

-----Original Message-----
From: ლიზა დავითაშვილი [mailto:[მოთხოვნის #3110 ელ-ფოსტა]]
Sent: შაბათი, 27 ივლისი, 2024 15:20
To: info <[ციფრული მმართველობის სააგენტო მოთხოვნის ელ-ფოსტა]>
Subject: [Unknown URLs] საჯარო ინფორმაციის მოთხოვნა - გენდერის ნიშნით გამოწვეული ძალადობა კიბერ ციფრულ სამყაროში

მოგესალმებით საჯარო დაწესებულების ციფრული მმართველობის სააგენტო საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
ბოლო ხუთი წლის ინფორმაცია, გენდერის ნიშნით გამოწვეული ძალადობა კიბერ სივრცეში. იგულისხმება, პირადი ვიზუალური მასალის გავრცელება თანხმობის გარეშე (სექსუალური მასალა, პირადი ინფორმაციის გავრცელება: მისამართ, ადგილსამყოფელი; ) excel-ის ფორმატში

პატივისცემით,

ლიზა დავითაშვილი

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია მმართველობის პარტნიორობის” მხარდაჭერით, პლატფორმა ინფორმაციის გამოთხოვის პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით მოთხოვნას და, სზაკ-ის 37-ე მუხლის თანახმად, საჯარო დაწესებულება ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე წერილის გაგზავნით:
[მოთხოვნის #3110 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ, რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა] http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge. კონფიდენციალურობის პოლიტიკა:
http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

ციტატირებული სექციების დამალვა