მოგესალმებით,

საქართველოს შრომის, ჯანმრთელობისა და სოციალური დაცვის სამინისტროს საჯარო ინფორმაციაზე პასუხისმგებელ პირს

საქართველოს კონსტიტუციისა და საქართველოს ზოგადი ადმინისტრაციული კოდექსის თანახმად:

გთხოვთ, მოგვაწოდოთ სტატისტიკა საქართველოში 2015, 2016, 2017, 2018, 2019, 2020 და 2021 წლებში უსახლკაროდ დარჩენილი ადამიანების შესახებ, შემდეგი პარამეტრებით:

- სხვადასხვა სტიქიური მოვლენის შედეგად ზემოთ ჩამოთვლილ წლებში რამდენი ოჯახი და მათ შორის რამდენი ადამიანი დარჩა საცხოვრებელი სახლის გარეშე

- ჩამოთვლილ წლებში რამდენი ოჯახი და მათ შორის ადამიანი დარჩა საცხოვრებელი სახლის გარეშე საბანკო ვალდებულებების გაუსტუმრებლობიდან გამომდინარე

- რამდენი ოჯახი და მათ შორის რამდენი ადამიანი უზრუნველყო სამინისტრომ საცხოვრებელი სახლით: როგორც ქირის გადასახადით, ასევე ბინის შესყიდვით, ალტერნატიული ფართის შეთავაზებით.

- რამდენი უსახლკარო ადამიანია ამჟამად საქართველოში

ზემოთ მოთხოვნილი ინფორმაცია, გთხოვთ, მოგვაწოდოთ ელექტრონული ფორმატით (Excel, csv, xml და ა.შ.)

პატივისცემით,

სოფიო აფრიამაშვილი