ქალბატონო სოფია,

თქვენი 2026 წლის 25 თებერვლის N19/01260562569-01 და 2026 წლის 02 მარტის
N06-01260613677-01 წერილებთან დაკავშირებით გიგზავნით მოთხოვნილ
ინფორმაციას.

ქალაქ თბილისის მუნიციპალიტეტის მერიის ჯანდაცვისა და სოციალური მომსახურების
საქალაქო სამსახურის ადმინისტრირებადი „ქალაქ თბილისის მუნიციპალიტეტის
ტერიტორიაზე უსახლკაროდ რეგისტრაციისა და თავშესაფრით/საცხოვრისით
უზრუნველყოფის“ პროგრამის ფარგლებში, 2015-2025 წლებში, ქალაქ თბილისში,
უსახლკაროდ რეგისტრირებული პირების ოდენობა შეადგენს 3952-ს.

ქალაქ თბილისში (სოფ. დიდი ლილო, ალიოშა ჯაფარიძის N15) მდებარე ქალაქ
თბილისის მუნიციპალიტეტის არასამეწარმეო (არაკომერციული) იურიდიული პირის
„თბილისის მუნიციპალური თავშესაფრის“ (ს/კ: 406153111) მართვაში არსებული
ლილოს მიუსაფართა თავშესაფარი გათვლილია 240 ბენეფიციარზე. 2016 წლიდან, 2025
წლის ჩათვლით კი თავშესაფრით ისარგებლა 776 -მა პირმა. 

რაც შეეხება, ქალაქ თბილისის მუნიციპალური თავშესაფრის მოვლა პატრონობისთვის
ბიუჯეტიდან გამოყოფილ თანხებს, 2015 წლიდან 2025 წლის ჩათვლით, აღნიშნული
დეტალურადაა მოცემული ქალაქ თბილისის მუნიციპალიტეტის მერიის ჯანდაცვისა და
სოციალური მომსახურების საქალაქო სამსახურის სტატისტიკის კრებულებში,
რომელთაც გიგზავნით დანართის სახით და რომლებიც ასევე განთავსებულია ქალაქ
თბილისის მუნიციპალიტეტის მერიის ვებ. გვერდზე - tbilisi.gov.ge

პატივისცემით,

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: სოფია <[მოთხოვნის #3941 ელ-ფოსტა]>
Sent: Tuesday, February 24, 2026 9:53:58 PM
To: Foi
Subject: საჯარო ინფორმაციის მოთხოვნა - თბილისში უსახლკარო პირების
სტატისტიკა და თავშესაფრების მონაცემები 2015-2025 წლებში, Excel-ის ფორმატში
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

2015 წლიდან 2025 წლამდე, წლების მიხედვით, Excel-ის ფორმატში:

1. თბილისში რეგისტრირებული უსახლკარო პირების რაოდენობა წლების მიხედვით
2. ქალაქში არსებული უსახლკარო პირთა თავშესაფრების რაოდენობა და მათი
ტევადობა
3. თავშესაფრებით მოსარგებლე პირთა რაოდენობა წლების მიხედვით

(გთხოვთ, გაითვალისწინოთ, რომ ეს მოთხოვნა ანაცვლებს ჩემს წინა მოთხოვნას,
რომელიც მხოლოდ რეგისტრირებული უსახლკარო პირების რაოდენობას შეეხებოდა.
გთხოვთ, იხელმძღვანელოთ მხოლოდ ამ მოთხოვნით.)

პატივისცემით,

სოფია

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #3941 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers