მოგესალმებით საჯარო დაწესებულების თბილისის სატრანსპორტო კომპანიის საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

ბოლო 10 წლის განმავლობაში რამდენი ადამიანი სარგებლობდა საზოგადოებრივი ტრანსპორტით. გთხოვთ ეს მონაცემები ჩაშალოთ შემდეგნაირად:
- უფასო და შეღავათიანი ტიპების მიხედვით (თბილისში რეგისტრირებული უსინათლოები, მათი თანმხლები და გამცილებელი პირები; სტუდენტები, მოსწავლეები, ომის მონაწილეები, პენსიონერები, და ა.შ.)
- სამგზავრო აბონიმენტის ტიპების მიხედვით (ერთდღიანი, ერთკვირიანი, ერთთვიანი, სამთვიანი, ექვსთვიანი და ერთწლიანი ულიმიტო ბარათები)

ზემოთ მოთხოვნილი ინფორმაცია, გთხოვთ, გამომიგზავნოთ ელექტრონული ფორმატით (excel ან csv)

გთხოვთ დამიდასტუროთ წერილის მიღება.

პატივისცემით,

ელენე ნოდია

მოგესალმებით,

შეგახსენებთ, რომ კვლავ ველოდები თქვენგან მონაცემების მოწოდებას. გთხოვთ, გამომიგზავნოთ პასუხი.

პატივისცემით,

ელენე ნოდია

მოგესალმებით,

თქვენგან არ მიმიღია საჯარო ინფორმაცია, რომელიც 28 მარტს მოვითხოვე.

შეგახსენებთ, რომ საქართველოს ზოგადი ადმინისტრაციული კოდექსის მე-40 მუხლის პირველი ნაწილის მიხედვით, საჯარო დაწესებულება ვალდებულია გასცეს საჯარო ინფორმაცია, მათ შორის, ელექტრონული ფორმით მოთხოვნილი საჯარო ინფორმაცია, დაუყოვნებლივ ან არა უგვიანეს 10 დღისა.

გთხოვთ, რაც შეიძლება სწრაფად გამომიგზავნოთ მოთხოვნილი ინფორმაცია.

პატივისცემით,

ელენე ნოდია

გიდასტურებთ მიღებას. მადლობა მოწოდებული ინფორმაციისთვის.

პატივისცემით,

ელენე ნოდია