საქართველოს ფინანსთა სამინისტროს
საჯარო ინფორმაციის გაცემაზე პასუხისმგებელ პირს

მოგესალმებით,
წარმოგიდგენთ საჯარო ინფორმაციის მოთხოვნას.

მოგეხსენებათ, რომ საქართველოს ზოგადი ადმინისტრაციული კოდექსის 78-ე მუხლის მოთხოვნები არ ითვალისწინებს საჯარო ინფორმაციის მოთხოვნისთვის ტიტულიანი ფურცლის წარმოდგენას, ვინაიდან არ წარმოვადგენ უწყებას და გწერთ როგორც ფიზიკური პირი.

რაც შეეხება ხელმოწერას, მოთხოვნას გიგზავნით საიტ askgov.ge-ს მეშვეობით და პდფ ფაილს ვერ ავტვირთავ, ვინაიდან ელექტრონული ფორმით ინფორმაციის გამოთხოვა ფიზიკურ ხელმოწერას არ ითვალისწინებს.

დამატებით განვმარტავ, რომ ჩემი წერილი გამოგზავნილი იყო თქვენი უწყების ოფიციალურ ელ.ფოსტაზე და ცხადი იყო რომ მოვმართე თქვენს უწყებას და არა სხვას.

ასე რომ, გთხოვთ მომაწოდოთ საჯარო ინფორმაცია დაუყოვნებლივ, ვინაიდან ჩემი წინა განცხადების დახარვეზების სამართლებრივი საფუძვლები არ არსებობს.

წინასწარ გიხდით მადლობას.

მოთხოვნილი ინფორმაცია:

მონაწილეობას ვიღებთ კონკურსში, რისთვისაც გვესაჭიროება გავაკეთოთ მონაცემების ცხრილი. ცხრილის შესავსებად გთხოვთ, დაუყოვნებლივ მოგვაწოდოთ შემდეგი საჯარო ინფორმაცია:

1. 2021 წლის განმავლობაში, რამდენი საჯარო ინფორმაციის მოთხოვნა შემოვიდა თქვენს უწყებაში და რამდენ მათგანს გაეცა პასუხი.
2. მოგეხსენებათ, კანონი არ არეგულირებს ინფორმაციის გაცემის შიდა პროცედურებს და უწყებებს მინიჭებული აქვთ თავისუფალი მოქმედების საშუალება. შესაბამისად, ჩამოყალიბდა პროცედურის ორნაირი სისტემა.
პირველი სისტემით, საჯარო ინფორმაციის გაცემაზე პასუხისმგებელ პირს, აქვს გარკვეული წვდომა უწყებაში არსებულ ინფორმაციაზე/დოკუმენტებზე, და პასუხის გასაცემ მასალებს თავად კრებს. შეკრებილ მასალებს აცნობს უწყების შესაბამის, თემატურ განყოფილებას, სრულყოფის მიზნით. ამის მერე მზადდება პასუხი.
მეორე სისტემით, ინფორმაციის/დოკუმენტაციის შეკრებას იწყებს შესაბამისი თემატური განყოფილება, და შეგროვებულ მასალას წარუდგენს საჯარო ინფორმაციის გაცემაზე პასუხისმგებელ პირს, სრულყოფის მიზნით. ამის მერე მზადდება პასუხი.
გთხოვთ, გვაცნობოთ, რომელი სისტემის მიხედვით მოქმედება აღმოჩნდა უფრო მოსახერხებელი, თქვენი უწყებისათვის - პირველი თუ მეორე სისტემით.

გთხოვთ, პასუხი გამოგვიგზავნოთ ელ.ფოსტის საშუალებით, მისამართზე:
[email address]
დიდი მადლობა.

პატივისცემით,
გიორგი კაპანაძე
ბათუმის შოთა რუსთაველის სახელობის უნივერსიტეტი
ნინოშვილის/რუსთაველის 32/35, ბათუმი 6010