18 ნოემბერი 2021წ.
ქალაქ თბილისის მერიის
საჯარო ინფორმაციის გაცემაზე
პასუხისმგებელ პირს

გ ა ნ ც ხ ა დ ე ბ ა
(საჯარო ინფორმაციის მიღების მოთხოვნით)

ზოგადი ადმინისტრაციული კოდექსის მე-3 თავის მოთხოვნათა გათვალისწინებით, გთხოვთ, უმოკლეს ვადაში ელექტრონულად მოგვაწოდოთ შემდეგი სახის ინფორმაცია:

2019 წლის პირველი აპრილიდან დღემდე რომელი საცალო ქსელები დაჯარიმდნენ პოლიეთილენის პარკების რეალიზაციის გამო? გთხოვთ, ეს მონაცემები მოგვაწოდეთ წლების მიხედვით ჩაშლილად.
2019 წლის პირველი აპრილიდან დღემდე რა რაოდენობის პოლიეთილენის პარკი იქნა ამოღებული საცალო ქსელებიდან? გთხოვთ, ეს მონაცემები მოგვაწოდეთ წლების მიხედვით ჩაშლილად.
მერიის შესაბამისი სამსახურის სულ რამდენი თანამშრომელი ახორციელებს ინსპექტირებას საცალო ქსელებში იმ ფაქტის დასადგენად საცალო ქსელი ახორციელებს თუ არა ბიოდეგრადირებადი პარკების რეალიზაციას?
აქვს თუ არა შესაბამისი ტექნოლოგიკური აღჭურვილობა მერიის თანამშრომლებს რითაც ისინი ადგენენ, რომ საცალო ქსელი ბიოდეგრადირებადი პარკების ნაცვლად პოლიეთილენის პარკების რეალიზაციას ახდენს?
2019 წლის პირველი აპრილიდან დღემდე, რა თანხას შეადგენს პარკების კონტროლზე დახარჯული ყოველწლიური ბიუჯეტი? გთხოვთ, ეს მონაცემები მოგვაწოდეთ წლების მიხედვით ჩაშლილად.
ამ ბიუჯეტიდან რამდენი იხარჯება თანამშრომლების ხელფასებზე, საკვლევი ნიმუშების ამოღება/შესყიდვაზე და ლაბორატორიულ კვლევებზე? 2019 წლის პირველი აპრილიდან დღემდე ეს მონაცემები მოგვაწოდეთ წლების მიხედვით ჩაშლილად.
საცალო ქსელებში და ბაზრობებზე როგორია პროცენტული გადანაწილება: რამდენი პროცენტია პოლიეთილენის პარკების და ბიოდეგრადირებადი პარკების წილი მთლიანი რეალიზაციიდან?

ზემოთ მოთხოვნილი ინფორმაცია, გთხოვთ, მოგვაწოდოთ ელექტრონულად Excel-ის ფაილის სახით.

საკონტაქტო პირი ზურაბ მოდებაძე, 593 001115

პატივისცემით,
ზურაბ მოდებაძე