მოგესალმებით საჯარო დაწესებულების ქალაქ თბილისის მუნიციპალიტეტის მერია საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

2025 წლის 20 თებერვლის №19/01250512584-01) წერილით ვითხოვდი ინფორმაციას, . თბილისში, მეტეხის ქ. #14-ში მშენებლობის დასრულებასთან დაკავშირებით.

ა(ა)იპ - თბილისის განვითარების
ფონდიდან, მიმდინარე წლის 4 მარტის წერილით გახდა ცნობილი, რომ ამჟამად მიმდინარეობს შესაბამისი პროექტის მომაზადება.
კერძოდ თბილისში, მეტეხის ქუჩა N14-ში (საკადასტრო კოდი:
N01.17.01.091.012) მდებარე შენობასთან მიმართებაში, 2024 წლის 07 თებერვლის
სახელმწიფო შესყიდვების N24-02-32 ხელშეკრულების საფუძველზე, მიმდინარეობს
მრავალბინიანი საცხოვრებელი სახლის კონცეპტუალური დიზაინ - პროექტის,
დეტალური საინჟინრო-საპროექტო - სახარჯთაღრიცხვო დოკუმენტაციის მომზადება, რომლის დასრულებაზეც დამოკიდებულია მშენებლობის დაწყება. შესაბამისად, თქვენს მიერ ვერ იქნა მოწოდებული ინფორმაცია მშენებლობის დაწყება-დასრულების თაობაზე, ვინაიდან აღნიშნული ბუნებრივია ცალკე კონტრაქტის ფარგლებში უნდა განხორციელდეს.

N24-02-32 ხელშეკრულებიდან გამომდინარე, საპროექტო ორგანიზაცია სამუშაოებს ახორციელებს 3 ეტაპად, არსებული ინფორმაციით, პირველი ეტაპი კომპანიას აქვს დასრულებული, ხოლო მეორე ეტაპის დასრულების ვადა აითვლება დამკვეთის მიერ წერილობითი შეტყობინების გაცემიდან 150 დღის ვადაში.
გთხოვთ მაცნობოთ, დამკვეთის მიერ გაცემულია თუ არა დავალება მე-2 ეტაპის სამუშაოების განხორციელებაზე. აღნიშნული მაინტერესებს იმ მიზეზით, რომ ვიცოდე დაახლოებით რა პერიოდში ექნება მერიას საშუალება გამოაცხადოს ტენდერი უკვე სამშენებლო სამუშაოების განხორციელებაზე.

წინასწარ მადლობა...

პატივისცემით,

მამუკა