ბატონო მამუკა,

თქვენი 2025 წლის 19 ივნისის №19/01251702089-01 წერილის პასუხად, რომელიც
შეეხება ქალაქ თბილისში, მეტეხის ქუჩა N14-ში (საკადასტრო კოდი:
N01.17.01.091.012) მდებარე ავარიული მრავალბინიანი საცხოვრებელი სახლის
დემონტაჟისა და ახალი მრავალბინიანი საცხოვრებელი სახლის კონცეპტუალური
დიზაინ - პროექტის, დეტალური საინჟინრო-საპროექტო - სახარჯთაღრიცხვო
დოკუმენტაციის მომზადებას, გაცნობებთ, რომ მომსახურების მიმწოდებელისათვის
(შემდგომში - პროექტანტი) ხელშეკრულებით განსაზღვრული მე-2 ეტაპის დავალება
გაცემულია 2024 წლის 30 ოქტომბერს (როგორც ეს განმცხადებლის წერილშია
აღნიშნული). დღევანდელი მდგომარეობით კვლავ მიმდინარეობს 2024 წლის 07
თებერვლის სახელმწიფო შესყიდვების N24-02-32 ხელშეკრულებით (მე-2 ეტაპი)
გათვალისწინებული დოკუმენტაციის მომზადება, მხარეთა შორის გაფორმებული
ხელშეკრულების პირობების შესაბამისად. ხოლო მას შემდეგ რაც გაფორმდება
მიღება-ჩაბარების აქტი, გამოცხადდება ახალი ელექტორნული ტენდერი ობიექტის
სამშენებლო სამუშაოების შესყიდვასთან დაკავშირებით.

ყოველივე ზემოაღნიშნულიდან გამომდინარე, ა(ა)იპ - თბილისის განვითარების
ფონდი ამ ეტაპზე მოკლებულია შესაძლებლობას გაცნობოთ მშენებლობის დაწყების
თარიღი. 

პატივისცემით,

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: მამუკა <[მოთხოვნის #3556 ელ-ფოსტა]>
Sent: Wednesday, June 18, 2025 11:38:28 AM
To: Foi
Subject: საჯარო ინფორმაციის მოთხოვნა - მეტეხის ქ. 14-ში მიმდინარე
სამუშაოები
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

2025 წლის 17 მარტის ჩემი N19/01250763459-01 მოთხოვნის საფუძველზე, მივიღე
ინფორმაცია, რომ მეტეხის ქ. 14-ში მიმდინარე სამუშაოებთან დაკავშირებით, 
2024 წლის 07 თებერვალს გაფორმებული სახელმწიფო შესყიდვების N24-02-32
ხელშეკრულების საფუძველზე, ა(ა)იპ - თბილისის განვითარების ფონდმა კომპანიაზე
მეორე ეტაპით გათვალისწინებული სამუშაოების შესრულებაზე წერილობითი დავალება
გასცა  2024 წლის 30 ოქტომბერს, რომლის შესასრულებლადაც მიმწოდებელს
განსაზღვრული აქვს 150 (ას ორმოცდაათი) კალენდარული დღე.
აღნიშნულიდან გამომდინარე, ვინაიდან დავალების გაცემიდან უკვე გასულია
შესაბამისი ვადა, გთხოვთ მაცნობოთ, კონტაქტორმა კომპანიამ შეასრულა თუ არა
ნაკისრი ვალდებულება და როდის დაიწყება ხსენებულ მისამართზე (თბილისი,
მეტეხის ქ. 14) შესაბამისი სამშენებლო სამუშაოები.

პატივისცემით,

მამუკა

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #3556 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers