მოგესალმებით საჯარო დაწესებულების საქართველოს განათლებისა და მეცნიერების სამინისტრო საჯარო ინფორმაციის გაცემაზე პასუხისმგებელ პირს.

მოგესალმებით, გაცნობებთ რომ საქართველოს პროგრესული ფორუმი ახორციელებს კვლევით პროექტს მასწავლებლების კეთილდღეობისა და შრომის ანაზღაურების შესახებ. საქართველოს პროგრესული ფორუმი წარმოადგენს არასამთავრობო ორგანიზაციას, რომელიც დაარსდა 2014 წლის 21 იანვარს. ფორუმის დაფუძნების ძირითადი მიზეზი ქვეყნის სამოქალაქო და პოლიტიკურ დისკურსებში პროგრესული იდეების ჩართვა და მათი პოპულარიზაცია. ამ საქმიანობას პროგრესული ფორუმი სხვადასხვა ადგილობრივ თუ საერთაშორისო არასამთავრობო ორგანიზაციებთან, ფონდებთან თუ ინდივიდებთან თანამშრომლობისა და მუშაობის საშუალებით ახერხებს. ჩვენთვის პრიორიტეტულია ასოციალური პოლიტიკის, უმუშევრობისა და დასაქმებისა და მიზნობრივი სოციალური პროგრამების შეფასება. ამ კონტექსტში, თვალს ვადევნებთ რა განათლების პოლიტიკის მიმდინარე რეფორმას, ჩვენთვის მნიშვნელოვანია დაგეგმილი კვლევა ეყრდნობოდეს დაზუსტებულ მონაცემებს და მომზადებული იყოს უშუალოდ განათლების პოლიტიკის შემუშავებაზე პასუხისმგებელ უწყებებთან კოორდინირებულად.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

1. ზოგად განათლებაზე დანახარჯები (2015-2023) მლნ ლარი; საქართველოს განათლებისა და მეცნიერების სამინისტროს დამტკიცებული და დაზუსტებული ბიუჯეტების მიხედვით (საბიუჯეტო კოდი 3202) განსაზღვრულია სკოლამდელი და ზოგადი განათლების ბიუჯეტი, თუმცა არა კონკრეტულად ზოგადი განათლების სექტორზე მიმართული თანხა.
2.მთლიანი დანახარჯები საჯარო სკოლის მასწავლებლების ანაზღაურების გაცემაზე (მოიცავს საბაზო ანაზღაურებას და სტატუსის დანამატს) მლნ ლარი (2015-2023);
3.საჯარო სკოლის მასწავლებლების ანაზღაურების წილი ზოგადსაგანმანათლებლო სკოლების დაფინანსებაში (საბიუჯეტო კოდი3320201).

მადლობას გიხდით თანამშრომლობისთვის!