მოგესალმებით, საქართველოს გენერალური პროკურატურის საჯარო ინფორმაციის უზრუნველყოფაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

აღრიცხვის დაწყებიდან დღემდე, სტატისტიკა საქართველოს სისხლის სამართლის კოდექსის შემდეგი მუხლების დარღვევების შესახებ, ჩაშლილი წლებისა და დაზარალებული პირის სქესის მიხედვით:

- პირადი ცხოვრების ამსახველი ინფორმაციის ან პერსონალური მონაცემების ხელყოფა მ. 157; პირადი ცხოვრების საიდუმლოს ხელყოფა მ. 157-1
- კერძო კომუნიკაციის საიდუმლოების დარღვევა მ. 158
- პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევა მ. 159
- კიბერდანაშაული - თავი XXXV (მ. 284, 285, 286, 286-1)

ზემოთ მოთხოვნილი ინფორმაცია, გთხოვთ, გამომიგზავნოთ ელექტრონული ფორმატით (excel ან csv).

პატივისცემით,
ლიზი გოგოლაძე