ბატონო გიორგი,

2026 წლის 3 თებერვლის N 19/01260343405-01 წერილთან დაკავშირებით,
გიგზავნით მოთხოვნილ ინფორმაციას „დაავადებათა სკრინინგის“ ქვეპროგრამის
ფარგლებში, 2015-2025 წლებში ჩატარებული კვლევების შესახებ. (დანართი N1)

ასევე გაცნობებთ, რომ თითოეული ლოკალიზაციის კიბოსთვის, დაავადებათა
სკრინინგის პროგრამით გამოვლენილ საეჭვო პირთა რაოდენობის შესახებ
ინფორმაციის მისაღებად, განმცხადებელმა უნდა მიმართოს უფლებამოსილ
დაწესებულებას, კერძოდ, „დაავადებათა კონტროლისა და საზოგადოებრივი
ჯანმრთელობის ეროვნულ ცენტრს“. თითოეული ლოკალიზაციის კობოსთვის სკრინინგის
პროგრამაში მონაწილე დაწესებულებების რაოდენობა კი, რაიონებისა და წლების
მიხედვით, მოცემული და ხელმისაწვდომია ქალაქ თბილისის მუნიციპალიტეტის მერიის
ვერ გვერდზე - tbilisi.gov.ge.

პატივისცემით,

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: გიორგი გოცაძე <[მოთხოვნის #3902 ელ-ფოსტა]>
Sent: Tuesday, February 3, 2026 9:22:52 AM
To: Foi
Subject: საჯარო ინფორმაციის მოთხოვნა - ქ. თბილისის "დაავადებათა
სკრინინგის" ფარგლებში მოსახლეობისთვის მიწოდებული მომსახურების მოცულობის
სტატისტიკური მონაცემები.
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

კიბოს სკრინინგის მუნიციპალური პროგრამის ფარგლებში 2015-2025 წლებში
ჩატარებული კვლევების შესახებ, კერძოდ
1. კიბოს სკრინინგის მუნიციპალური პროგრამის ფარგლებში, კერძოდ საშვილოსნოს
ყელის, ძუძუს კიბოს, კოლორექტალური და პროსტატის კიბოს სკრინინგის 
ყოველწლიური დეტალური  სტატისტიკა (გამოკვლეული პირების რაოდენობა) 2015-2025
წლების პერიოდისთვის - წლიური მონაცემები და მონაცემები რაიონების მიხედვით,
თუ არსებობს.
2.  თითოეული ლოკალიზაციის კიბოსთვის სკრინინგის პროგრამით (სკრინინგის
მეთოდის მითითებით) გამოვლენილი კიბოზე საეჭვო პირთა რაოდენობა კონკრეტული
წლის მიხედვით (წლიური მონაცემები და მონაცემები რეგიონების მიხედვით).
3.  თითოეული ლოკალიზაციის კიბოსთვის სკრინინგის პროგრამაში მონაწილე
დაწესებულებების რაოდენობა, რაიონების და წლების მიხედვით.
4. თითოეული ლოკალიზაციის კიბოსთვის სკრინინგის პროგრამით გამოყოფილი
ბიუჯეტის მოცულობა წლების მიხედვით.
5. გთხოვთ აღნიშნული ინფორმაცია მომაწოდოთ excel-ის ფორმატში შემდგომი
დამუშავებისთვის.

აღნიშნული ინფორმაცია გამოყენებული იქნება სამეცნიერო კვლევის დასაგეგმად,
რომელიც მიმართულია კიბოს სკრინინგის პროგრამის იმპლემენტაციის
გასაუმჯობესებლად.

წინასწარ მადლობას მოგახსენებთ აღმოჩენილი დახმარებისთვის.

პატივისცემით,

გიორგი გოცაძე

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #3902 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers