მოგესალმებით საჯარო დაწესებულების საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

1. გთხოვთ განმიმარტოთ საკანონმდებლო საფუძველი, რომელიც არეგულირებს ქვეყანში რაიმე მედიკამენტის სახელმწიფო ბიუჯეტიდან დაფინანსების გზას, რა დროსაც, მედიკამენტი მოხვდება დაფინანსებული მედიკამენტების სიაში და მისი მიღება შეეძლება ყველა პირს ვისაც ეს მედიკამენტი ექიმის დანიშულებით ესაჭიროება.

2. რა ოფიციალური პროცედურა უნდა გაიაროს მედიკამენტის სახელმწიფო ბიუჯეტიდან დაფინანსების მოთხოვნამ, იმისათვის რომ იგი მოხვდეს სახელმწიფოს მიერ რეგულარულად და ყველა ამ დაავადების მქონე პირისთვის დაფინანსებულ მედიკამენტთა სიაში.

3. ვინ უნდა გააკეთოს მედიკამენტის დაფინანსების მოთხოვნა, როცა საქმე ეხება არა მხოლოდ ერთი ინდივიდისთვის გამოყოფილ მედიკამენტს, არამედ ამ დაავადების მქონე ყველა პაციენტისთვის მედიკამენტის რეგულარულ დაფინანსებას სახელმწიფოს მხრიდან.

4. ვინ მონაწილეობს დაფინანსების შესახებ გადაწყვეტილების მიღებაში, რომელი უწყებები განილავენ, რა დროში.

5. წარმოადგენს თუ არა ეს გადაწყვეტილება ინდივიდუალურ ადმინისტრაციულ სამართლებრივ აქტს და დადებითი პასუხის შემთხვევაში, სად ხდება გადაწყვეტილების გასაჩივრება.

პატივისცემით,

ანა