მოგესალმებით,
საქართველოს იუსტიციის სამინისტროს, ხსენებული სამინისტროს საჯარო ინფორმაციის გაცემაზე პასუხისმგებელ პირს.

საქართველოს კანონმდებლობის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
1) როდიდან იქნა დაწყებული ბიომეტრული მონაცემების შემცველი პასპორტის გაცემა (შესაბამისი ეტაპების მითითებით) და რა ედო აღნიშნულს საფუძვლად (ევროპული მხარის კონკრეტული მითითება, ევროპულ მხარესთან მოლაპარაკება ან შეთანხმება და ა.შ.);
2) როდიდან იქნა დაწყებული ბიომეტრული მონაცემების შემცველი პირადობის ელექტრონული მოწმობის ე.წ. აიდი ბარათის გაცემა (შესაბამისი ეტაპების მითითებით) და რა ედო აღნიშნულს საფუძვლად (ევროპული მხარის კონკრეტული მითითება, ევროპულ მხარესთან მოლაპარაკება ან შეთანხმება და ა.შ.);
3) რამდენი საქართველოს მოქალაქე გახდა ბიომეტრული პასპორტის მფლობელი, მისი გაცემის დღიდან ე.წ ვიზა ლიბერალიზაციის ამოქმედების გადაწყვეტილებამდე (სასურველია გაიმიჯნოს უცხოეთში დისტანციურად და საკონსულო თანამდებობის პირთა მიერ გაცემული მონაცემები);
4) რამდენი საქართველოს მოქალაქე გახდა ბიომეტრული მონაცემების შემცველი პირადობის ელექტრონული მოწმობის ე.წ. აიდი ბარათის მფლობელი, მისი გაცემის დღიდან ე.წ ვიზა ლიბერალიზაციის ამოქმედების გადაწყვეტილებამდე (სასურველია გაიმიჯნოს უცხოეთში დისტანციურად და საკონსულო თანამდებობის პირთა მიერ გაცემული მონაცემები);
5) ბიომეტრული მონაცემების შემცველი პასპორტის გაცემის დღიდან დღემდე, რამდენი მოქალაქე გახდა ბიომეტრული მონაცემების შემცველი პასპორტის მფლობელი (სასურველია ყოველწლიური ზრდის მაჩვენებლის აღნიშვნით და უცხოეთიდან დისტანციურად და საკონსულო თანამდებობის პირთა მიერ გაცემული მონაცემების გამიჯვნით);;
6) ბიომეტრული პირადობის ელექტრონული მოწმობის გაცემის დღიდან დღემდე, რამდენი მოქალაქე გახდა ბიომეტრული პირადობის ელექტრონული მოწმობის ე.წ. აიდი ბარათის მფლობელი (სასურველია ყოველწლიური ზრდის მაჩვენებლის აღნიშვნით და და უცხოეთიდან დისტანციურად და საკონსულო თანამდებობის პირთა მიერ გაცემული მონაცემების გამიჯვნით);
7) კონკრეტულად რაში გამოიყენება (როგორ, რა სახით და როდიდან) ე.წ. სამგზავრო და პირადობის დამადასტურებელი დოკუმენტის გაცემის მიზნით, ე.წ. დოკუმენტის ჩიპზე დატანილი/ ჩაწერილი მოქალაქისგან შეგროვებული მონაცემები - ბიომეტრული ფოტოსურათი (სახის გამოსახულება);
8) კონკრეტულად რაში გამოიყენება (როგორ, რა სახით და როდიდან) სამგზავრო და პირადობის დამადასტურებელი დოკუმენტის გაცემის მიზნით, ე.წ. დოკუმენტის ჩიპზე დატანილი/ ჩაწერილი მოქალაქისგან შეგროვებული მონაცემები - ელექტრონული ხელმოწერა;
9) კონკრეტულად რაში გამოიყენება (როგორ, რა სახით და როდიდან) პირადობის დამადასტურებელი დოკუმენტის გაცემის მიზნით, ე.წ. სამგზავრო და პირადობის დამადასტურებელი დოკუმენტის ჩიპზე დატანილი/ ჩაწერილი მოქალაქისგან შეგროვებული მონაცემები - თითის ანაბეჭდები;
10) შესაძლებელია თუ არა ზემოხსენებული სამგზავრო და პირადობის დამადასტურებელი დოკუმენტის ე.წ. ჩიპიდან ფიზიკური პირის ბიომეტრიული მონაცემების კოპირება, ჩამოწერა;
11) შესაძლებელია თუ არა ზემოხსენებული სამგზავრო და პირადობის დამადასტურებელი დოკუმენტის ე.წ. ჩიპით პირის ადგილმდებარეობის განსაზღვრა, მათ შორის ქვეყნის ფარგლებს გარეთ;
12) რომელი ქვეყნიდან ან კომპანიიდან იძენთ ან მოგეწოდებათ ზემოხსენებული სამგზავრო და პირადობის დამადასტურებელი დოკუმენტებზე დასატანი ე.წ. ჩიპები;
13) რატომ აღარ არის დასაშვები (მიზეზის განმარტება) არაბიომეტრული პირადობის მოწმობის გაცემა, როდიდან და ასევე როდის შეწყდა მათი ხმარებიდან საბოლოოდ ამოღება.
14) 2025 წელს შემოღებული ახალი პირადობის მოწმობა და ბინადრობის მოწმობა (ცალ-ცალკე) რამდენი იქნა გაცემული 2025 წლის 4 ოქტომბრის ჩათვლით.

გთხოვთ, პასუხი გამცეთ პუნქტობრივად, კითხვების დასათაურების სახით აღნიშვნით.
========
განცხადება წარმოდგენილია როგორც ჟურნალისტური საქმიანობის განმახორციელებელი
პირის მიერ
========
განაცხადის განხილვის პროცესში მიზანშეწონილია მხედველობაში იქონიოთ საქართველოს ზოგადი ადმინისტრაციული კოდექსის 42-ე მუხლი (რისი გასაიდუმლოებაც დაუშვებელია) და სახელმწიფო საიდუმლოების შესახებ საქართველოს კანონის მე-6 და მე-7 მუხლები (რა შეიძლება იყოს სახელმწიფო საიდუმლოებას მიჩნეული ან არ იყოს ასეთად განსაზღვრული).
========
გთხოვთ, საპასუხო წერილში დაშტრიხოთ ან არ მიუთითოთ ჩემი მისამართი, სრულად
არ მიუთითოთ პირადი ნომერი (დაშტრიხეთ), საპასუხო წერილში მიუთითეთ
რეგისტრირებული განცხადების რეკვიზიტები (სასურველია განცხადების
მიღებისთანავე მისი ასლი და რეგისტრაციის თარიღი და ნომერი მომაწოდოთ ელ
ფოსტაზე), პასუხი მომაწოდეთ პდფ ფორმატში, ამასთან, მიზანშეწონილია წერილის
ძირითად ნაწილში ასახვის გზით, დანართის წარმოდგენის შემთხვევაში - გთხოვთ
დაამოწმოთ ისიც.
========
შესაძლო საფრთხეების შემცირების/ არიდების მიზნით, გთხოვთ, უზრუნველყოთ:
æ მიღებული შეტყობინების/ წარმოდგენილი დოკუმენტის/ თანხმლები წერილების
(ასეთის არსებობისას) ვირუსზე და სხვა შესაბამის ხარვეზის აღმომჩენ
პროგრამებზე შემოწმება.
æ მიღებული შეტყობინების/ განაცხადის ჯერ ამობეჭვდა/ განცხადების სკანირების
(საჭიროებისამებრ ცალკე კომპიუტერის გამოყოფა) პროცესის უზრუნველყოფა და
შემდგომში კი საქმისწარმოების მიზნით მისი რეგისტრაცია (სასურველია ამჯერადაც
ზემოხსენებულ ხარვეზბზე შემოწმება);
æ .განაცხადზე სარეგისტრაციო მონაცემების (შტამპის) დატანის შემდგომ,
დოკუმენტის სკანირებული ვერსიის მოწოდება;
æ ელ. ფოსტის საპასუხო შეტყობინების კორესპონდენციის რეკვიზიტებით
დასათაურება ან/და მათი ელ ფოსტის გზავნილში ტექსტური სახით აღნიშვნა;
æ განცხადების დამუშავება იმ კომპიუტერულ მოწყობილობაში, რომელსაც არ აქვს
კავშირი სპეციფიფიურ მონაცემთა ბაზებთან, აუდიო-ვიდეო და ფოტო ფაილებთან.
===========
ეს და მათშორის ამ პორტალის მეშვეობით ან სხვა ფორმით წარმოდგენილი ჩემი წინა
განცხადებები, მათ შორის 2025 წლის აგვისტოს მეორე ნახევრიდან მოყოლებული
პროგრამულად გამოგზავნილი განცხადებები მოწოდებულია ყოველგვარი დანართი
დოკუმენტის/ ფაილის/ კორესპონდენციის ასლის გარეშე.
==========
პატივისცემით,

ნიკოლოზ ნიკოლაძე