ბატონო მამუკა,

თქვენი 2025 წლის 20 თებერვლის №19/01250512584-01) წერილის თანახმად,
რომელიც შეეხება ქალაქ თბილისში, მეტეხის ქუჩა N14-ში (საკადასტრო კოდი:
N01.17.01.091.012) მდებარე ავარიული მრავალბინიანი საცხოვრებელი სახლის
მშენებლობის დაწყებისა და დასრულების თარიღებზე, ასევე, მშენებლობის
განმახორციელებელ კომპანიაზე ინფორმაციის მიწოდებას, გაცნობებთ, რომ
მითითებულ მისამართზე ამ ეტაპისათვის მიმდინარეობს 2024 წლის 07 თებერვლის
სახელმწიფო შესყიდვების N24-02-32 ხელშეკრულებით გათვალისწინებული
დოკუმენტაციის მომზადება, რომელიც გულისხმობს მითითებულ მისამართზე მდებარე
ავარიული მრავალბინიანი საცხოვრებელი სახლების ჩანაცვლების პროექტის
ფარგლებში, ავარიული მრავალბინიანი საცხოვრებელი სახლის დემონტაჟისა და ახალი
მრავალბინიანი საცხოვრებელი სახლის კონცეპტუალური დიზაინ - პროექტის,
დეტალური საინჟინრო-საპროექტო - სახარჯთაღრიცხვო დოკუმენტაციის მომზადებას.

ყოველივე ზემოაღნიშნულიდან გამომდინარე, ა(ა)იპ - თბილისის განვითარების
ფონდი მოკლებულია შესაძლებლობას გაცნობოთ როგორც მშენებლობის დაწყებისა და
დასრულების თარიღები, ასევე, მშენებლობის განმახორციელებელი კომპანის შესახებ
ინფორმაცია. 

პატივისცემით,

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: მამუკა <[მოთხოვნის #3380 ელ-ფოსტა]>
Sent: Wednesday, February 19, 2025 11:52:02 AM
To: Foi
Subject: საჯარო ინფორმაციის მოთხოვნა - ავარიულ
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

დაახლოებით 2 წლის წინ მოხდა ქ. თბილისში, მეტეხის ქ. #14-ში განთავსებული
ავარიული კორპუსიდან მოსახლეობის გამოსახლება, რათა განხორციელებულიყო ამ
კორპუსის დემონტაჟი და შემდგომ მშენებლობა, სადაც ადგილობრივები უნდა
დაკმაყოფილებულიყვნენ საცხოვრებელი ბინებით. მიუხედავად განვლილი პერიოდისა,
დღემდე ხსენებულ მისამართზე არ არის დაწყებული მშენებლობა. როგორც
მოგეხსენებათ ბიუჯეტიდან გაიცემა თანხები გამოსახლებულ მოქალაქეებზე (ბინის
ქირის სახით) და შესაბამისად, რაც  უფრო გაჭიანურდება მშენებლობა, მით უფრო
მეტი თანხის გაცემა მოუწევს ბიუჯეტს (ქირის სახით).
გთხოვთ მაცნობოთ, რა ვადებში არის დაგეგმილი/გათვალისწინებული მშენებლობის
დაწყება - დასრულება და ვინ არის სამშენებლო სამუშაოების განმახორციელებელი
კომპანია?

პატივისცემით,

მამუკა

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #3380 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers