ქალბატონო გვანცა,

თქვენი 2026 წლის 06 ივლისის N19/01261873973-01 განცხადებასთან დაკავშირებით
გაცნობებთ, რომ ქალაქ თბილისის მუნიციპალიტეტის მიერ ავარიული მრავალბინიანი
საცხოვრებელი სახლების ჩანაცვლება ხორციელდება შემდეგი წესების მიხედვით: 

 1. IV ან V კატეგორიის ავარიულობის ხარისხის მქონე მრავალბინიანი
საცხოვრებელი სახლების ჩანაცვლება (მესაკუთრეებსა და დეველოპერს შორის
შეთანხმების არსებობის შემთხვევაში) ხორციელდება „ქ. თბილისის
მუნიციპალიტეტის ტერიტორიების გამოყენებისა და განაშენიანების
რეგულირების წესების დამტკიცების შესახებ“ ქალაქ თბილისის
მუნიციპალიტეტის საკრებულოს 2016 წლის 24 მაისის N14-39 დადგენილებით
დამტკიცებული „ქალაქ თბილისის მუნიციპალიტეტის ტერიტორიების გამოყენებისა
და განაშენიანების რეგულირების წესების“ V^^1 თავის (ავარიულ
შენობა-ნაგებობებზე ხელშემწყობი ღონისძიებების გამოყენება)
გათვალისწინებით.  
 2. III, IV ან V კატეგორიის ავარიულობის ხარისხის მქონე მრავალბინიანი
საცხოვრებელი სახლების ჩანაცვლება - „ქალაქ თბილისის მუნიციპალიტეტის
ტერიტორიაზე ავარიული მრავალბინიანი საცხოვრებელი სახლების ჩანაცვლების
წესის დამტკიცების შესახებ“ ქალაქ თბილისის მუნიციპალიტეტის საკრებულოს
2022 წლის 6 მაისის N10-48 დადგენილებით დამტკიცებული „ქალაქ თბილისის
მუნიციპალიტეტის ტერიტორიაზე ავარიული მრავალბინიანი საცხოვრებელი
სახლების ჩანაცვლების წესით“ (პროექტის განმახორციელებელი: ქალაქ
თბილისის მუნიციპალიტეტის არასამეწარმეო (არაკომერციული) იურიდიული პირი
„თბილისის განვითარების ფონდი“).

       3.  ქალაქ თბილისის მუნიციპალიტეტის საკრებულოს 2025 წლის 26
დეკემბერის №6-14 დადგენილებით დამტკიცებული ,,ქალაქ თბილისის
მუნიციპალიტეტის ტერიტორიაზე,                   კულტურული მემკვიდრეობის
დამცავ ზონაში მდებარე ავარიული საცხოვრებელი სახლების გამოსყიდვის წესით”.

         დამატებით გაცნობებთ, რომ ა(ა) თბილისის განვითარების ფონდის მიერ,
2023 წლიდან დღემდე სარეაბილიტაციოსარესტავრაციო სამუშაოები ჩაუტარდა 17
შენობას, ხოლო, ამ ეტაპზე სარეაბილიტაციო სამუშაოები მიმდინარეობს შემდეგ
მისამართებზე: 1. რევაზ თაბუკაშვილის N46-ში/რევაზ ლაღიძის N6-ში მდებარე
შენობის (კადეტთა კორპუსი) სამშენებლო-სარეაბილიტაციო სამუშაოების პირველი
ეტაპი დასრულებულია, მიმდინარეობს მეორე ეტაპის სამუშაოები; 2. ნარიყალას
ციხის რეაბილიტაციის სამუშაოები; 3. ნიკო ფიროსმანის 29-ში მდებარე კულტურული
მემკვიდრეობის ძეგლის რეაბილიტაციის სამუშაოები; 4. სულხან-საბას და პავლე
ინგოროყვას ქუჩებზე არსებული შენობების სარეაბილიტაციო სამუშაოები; 5. სიონის
ტაძრის სარეაბილიტაციო სამუშაოები; 6. კოსტავას ქუჩა N37ა-ში მდებარე
ჭადრაკის სასახლისა და ალპური კლუბის რესტავრაცია; 7. რევაზ თაბუკაშვილის
N51-ში არსებული შენობის რეაბილიტაცია; 8. ნიკოლოზ ბარათაშვილის ქუჩა N21-ში
არსებული შენობა-ნაგებობის (ქორწინების სახლი) სარეაბილიტაციო სამუშაოები.
გარდა ამისა, ქალაქ თბილისის მუნიციპალიტეტის ტერიტორიაზე ავარიული
მრავალბინიანი საცხოვრებელი სახლების ჩანაცვლების პროექტის ფარგლებში, დღეის
მდგომარეობით ფონდის მიერ სამშენებლო სამუშაოები დასრულებულია 2 (ორი)
მისამართზე:

1) ვარკეთილი, მასივი 3, კვარტალი 7, კორპუსი N12;

2) სამგორის რაიონი, კალოუბნის ქუჩა N18. ამ ეტაპზე სამუშაოები მიმდინარეობს
6 (ექვსი) მისამართზე, ესენია: 1) დავით გამრეკელის ქუჩა, შესახვევი I, N6; 

3) სამგორის რაიონი, III მასივი, კვარტალი 4, კორპუსი N6; 

4) ვარკეთილის მე-3 მასივი, მე-10 კვ, კორპუსი N9; 

5) შუამთის ქუჩა N40ა (ს/კ: N01.19.20.022.025);

6) ჩარგლის ქუჩა N50ა;

7) შუამთის ქუჩა N38ა. რაც შეეხება წერილში დასმულ სხვა საკითხებს, მოკლებული
ვართ შესაძლებლობას მოგაწოდოთ შესაბამისი ინფორმაცია, ვინაიდან ავარიულობის
ხარისხის შეფასება-დადგენა და ასეთი მონაცემების დამუშავება არ განეკუთვნება
ფონდის კომპეტენციას.

პატივისცემით,

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: გვანცა <[მოთხოვნის #4050 ელ-ფოსტა]>
Sent: Saturday, July 4, 2026 1:31:05 AM
To: Foi
Subject: საჯარო ინფორმაციის მოთხოვნა - 2023–2026 წლებში თბილისში არსებული
ავარიული და მიტოვებული შენობების შესახებ საჯარო ინფორმაციის მოთხოვნა.
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

2023 წლიდან 2026 წლის ივნისამდე (წლების მიხედვით, სადაც ეს შესაძლებელია):

1. თბილისის მუნიციპალიტეტის ტერიტორიაზე არსებული ავარიული შენობების
რაოდენობა;
2. თბილისის მუნიციპალიტეტის ტერიტორიაზე არსებული მიტოვებული შენობების
რაოდენობა;
3. ინფორმაცია იმის შესახებ, თბილისის რომელ ადმინისტრაციულ რაიონებსა და
უბნებშია რეგისტრირებული აღნიშნული შენობები (შეძლებისდაგვარად, მისამართების
ან ქუჩების მითითებით);
4. ინფორმაცია, არსებობს თუ არა თბილისის მუნიციპალიტეტის მიერ წარმოებული
ავარიული და მიტოვებული შენობების რეესტრი ან მონაცემთა ბაზა. არსებობის
შემთხვევაში, გთხოვთ, მომაწოდოთ შესაბამისი დოკუმენტი ან მისი ელექტრონული
ვერსია;
5. ინფორმაცია, რა ღონისძიებები განხორციელდა 2023–2026 წლებში ავარიული და
მიტოვებული შენობების მონიტორინგის, რეაბილიტაციის, დემონტაჟის ან
უსაფრთხოების უზრუნველყოფის მიზნით;
6. თუ თბილისის მუნიციპალიტეტს გააჩნია ავარიული ან მიტოვებული შენობების
ინტერაქტიული რუკა, რეესტრი ან სხვა სახის მონაცემთა ბაზა, გთხოვთ, მომაწოდოთ
შესაბამისი ბმული ან ელექტრონული დოკუმენტი.

გთხოვთ, მოთხოვნილი ინფორმაცია მომაწოდოთ საქართველოს ზოგადი ადმინისტრაციული
კოდექსით დადგენილ ვადაში ელექტრონული ფოსტით.

პატივისცემით,

გვანცა

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #4050 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers