მოგესალმებით,

სსიპ - ვეტერანების საქმეთა სახელმწიფო სამსახურში შემოსული თქვენი
განცხადების პასუხად, რომელიც შეეხება ვეტერანთა შვილების განათლების
დაფინანსების საკითხს, გაცნობებთ შემდეგს:

სსიპ - ვეტერანების საქმეთა სახელმწიფო სამსახურის დირექტორის 2021 წლის 01
ივნისის №11618 ბრძანებით დამტკიცებული იქნა პროგრამა, რომლის ფარგლებში
ვეტერანების საქმეთა სახელმწიფო სამსახურის ბიუჯეტის ასიგნებებიდან უმაღლეს
საგანმანათლებლო დაწესებულებებში სწავლა უფინანსდებათ იმ ვეტერანებსა და
ვეტერანის შვილებს (სტუდენტებს), რომლებიც ერთიანი ეროვნული გამოცდების
შედეგების საფუძველზე სწავლობენ აკრედიტებულ ბაკალავრიატის უმაღლეს
საგანმანათლებლო პროგრამებზე.

დაფინანსების ოდენობა შეადგენს სწავლის წლიური საფასურის არაუმეტეს 50%-ს,
სამსახურისთვის დამტკიცებული საბიუჯეტო ასიგნებების ოდენობის ფარგლებში,
უმაღლესი საგანმანათლებლო დაწესებულების მიერ განსაზღვრული სწავლის საფასურის
შესაბამისად, მაგრამ არაუმეტეს 2 250 ლარს.

აღნიშნული პროგრამის ფარგლებში, დაფინანსების მოსაპოვებლად, დაინტერესებულმა
პირმა სამსახურში უნდა წარმოადგინოს განცხადება და შემდეგ დოკუმენტები:

• სტუდენტის პირადობის მოწმობა;
• სტუდენტის დაბადების მოწმობა;
• ვეტერანის პირადობის მოწმობა;
• ვეტერანის მოწმობა;
• ცნობა სასწავლებლიდან, რომელშიც გაწერილი იქნება: საგანმანათლებლო
პროგრამის დასახელება, სემესტრი, სტუდენტი სარგებლობს თუ არა სახელმწიფო
გრანტით ან სხვა ტიპის დაფინანსებით, გადახდილი თანხის ოდენობა,
დარჩენილი თანხის ოდენობა;
• ანგარიშ-ფაქტურა (ინვოისი) გადასახდელ თანხაზე სასწავლებლიდან.

პატივისცემით,

ირაკლი ჭანტურიძე

საჯარო ინფორმაციის ხელმისაწვდომობის

უზრუნველყოფაზე პასუხისმგებელი პირი