მოგესალმებით საჯარო დაწესებულების იუსტიციის უმაღლესი საბჭო საჯარო ინფორმაციის გაცემაზე პასუხისმგებელ პირს.

რადგან 2023 წლის 2 ივნისიდან იუსტიციის უმაღლესი საბჭოს ოფიციალურ ვებგვერდზე, ორგანული კანონით გათვალისწინებული ვალდებულების მიუხედავად, აღარ ქვეყნდება სხდომებზე მიღებული გადაწყვეტილებები საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია 2024 წლის 12 აგვისტოს ჩატარებული სხდომის შესახებ:

1. რომელ საათზე დაიწყო სხდომა?
2. რამდენი ხანი გაგრძელდა სხდომა?
3. საბჭოს წევრთაგან ვინ ესწრებოდა სხდომას?
4. დღის წესრიგით გათვალისწინებული რომელი საკითხები განიხილა საბჭომ? რა საფუძვლით მოიხსნა დღის წესრიგიდან განუხილველი საკითხები?
5. კონკრეტულად რა თემებს მოიცავდა დღის წესრიგში ჩამოთვლილი თითოეული საკითხი? გთხოვთ, ასევე მოგვაწოდოთ სხდომაზე მიღებული გადაწყვეტილებების ელექტრონული ასლები.
6. გთხოვთ, გამოაქვეყნოთ სხდომის აუდიო ჩანაწერი.

პატივისცემით,

მარიამ ქვარიანი