ქობულეთში საფეხბურთო ტექნიკური ცენტრისა და ხელოვნურსაფარიანი სტადიონის მშენებლობის შესახებ საჯარო ინფორმაციის მოთხოვნა

მე, როგორც დაინტერესებული მოქალაქე, გთხოვთ, მომაწოდოთ ოფიციალური ინფორმაცია სახელმწიფო შესყიდვის NAT260016627 ფარგლებში დაგეგმილ ქობულეთის საფეხბურთო ტექნიკურ ცენტრსა და ხელოვნურსაფარიანი სტადიონის მშენებლობასთან დაკავშირებით.

სატენდერო დოკუმენტაციის მიხედვით, სამუშაოების შესრულების საერთო ვადა შეადგენს 10 თვეს, ხოლო ხელშეკრულების მოქმედების საბოლოო თარიღად მითითებულია 2030 წლის 31 დეკემბერი.

გთხოვთ, განმიმარტოთ შემდეგი საკითხები:

რა მიზეზით განისაზღვრა ხელშეკრულების მოქმედების საბოლოო თარიღად 2030 წლის 31 დეკემბერი, მაშინ როდესაც სამშენებლო სამუშაოების შესრულების ვადა 10 თვეა?

შესაძლებელია თუ არა მშენებლობის დასრულების ვადის 2030 წლამდე გადავადება და რა სამართლებრივი საფუძვლით?

კონკრეტულად რომელ თარიღში იგეგმება სამშენებლო სამუშაოების დაწყება?

დაწყებულია თუ არა ამ დროისთვის მოსამზადებელი სამუშაოები, საპროექტო დოკუმენტაციის კორექტირება ან სამშენებლო ტერიტორიის მომზადება?

მიღებულია თუ არა მშენებლობის ნებართვა?

რა თარიღისთვის არის დაგეგმილი ობიექტის მშენებლობის დასრულება და ექსპლუატაციაში მიღება?

არსებობს თუ არა პროექტის განხორციელების კონკრეტული კალენდარული გრაფიკი? გთხოვთ, მომაწოდოთ მისი ასლი.

გაფორმებულია თუ არა ხელშეკრულებაში ცვლილებები ან დამატებითი შეთანხმებები? არსებობის შემთხვევაში გთხოვთ, მომაწოდოთ შესაბამისი დოკუმენტების ასლები.

გთხოვთ, თითოეულ კითხვაზე გამცეთ კონკრეტული და დასაბუთებული პასუხი და ინფორმაცია მომაწოდოთ ელექტრონული ფორმით, საქართველოს კანონმდებლობით დადგენილ ვადაში.

პატივისცემით,
ი.წ