მოგესალმებით საჯარო დაწესებულების იუსტიციის უმაღლესი საბჭო საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

2023 წლის პირველი იანვრიდან 2024 წლის ივნისის ჩათვლით რა თანხა გაიცა ზეგანაკვეთური შრომის ანაზღაურების სახით იუსტიციის უმაღლესი საბჭოს მიერ სხოდმების არასამუშაო საათებში ჩატარება/გადადების საფუძელზე, რამდენ პირს გადაეცა აღნიშნული თანხა და რა თანამდებობებს იკავებენ აღნიშნული პირები.

არასამუშაო საათებში სხდომის ჩატარება იგეგმებოდა სულ ცოტა 20 შემთხვევაში.

2023 წელს:
13 თებერვალი - სხდომა გადაიდო საღამოს 8 საათზე;
28 თებერვალი - სხდომის გადადების შესახებ ინფორმაცია არასამთავრობო ორგანიზაციის წარმომადგენლებს არ მიეწოდათ, წარმომადგენელმა 7 საათზე დატოვა საბჭოს შენობა;
1 მარტი - სხდომა გადაიდო 6 საათსა და 40 წუთზე;
14 მარტი - სხდომის გადადების შესახებ ინფორმაცია არასამთავრობო ორგანიზაციის წარმომადგენლებს არ მიეწოდათ, წარმომადგენელმა 7 საათზე დატოვა საბჭოს შენობა;
24 მაისს - სხდომა 7-ის ნახევრამდე გაგრძელდა;
9 ივნისი - სხდომა 6 საათზე დაიწყო;
15 ივნისი - სხდომა 10-ის 10 წუთზე გადაიდო;
10 ივლისი - სხდომა 9 საათის შემდეგ ჩატარდა;
21 ივლისი - სხდომა 7-ის ნახევაზე დასრულდა;
27 ივლისი - სხდომა დასრულდა 8-ის ნახევარზე;
4 აგვისტო - სხდომის გადადების შესახებ ინფორმაცია არასამთავრობო ორგანიზაციის წარმომადგენლებს არ მიეწოდათ, წარმომადგენელმა 10-ის ნახევარზე დატოვა საბჭოს შენობა;
9 აგვისტო - სხდომის გადადების შესახებ ინფორმაცია არასამთავრობო ორგანიზაციის წარმომადგენლებს არ მიეწოდათ, წარმომადგენელმა 7 საათზე დატოვა საბჭოს შენობა;
24 ოქტომბერი - სხდომა ღამის 10 საათზე დასრულდა.

2024 წელს:
24 იანვარს - სხდომა 6 საათზე ჩაინიშნა;
30 მაისს - სხდომა 6 საათზე დაიწყო;
31 მაისს - სხდომა 7 საათის შემდეგ გადაიდო;
1 ივლისს - სდომა 7-ის ნახევარზე ჩაინიშნა;
3 ივლისს - სხდომა 7-ის ნახევრის შემდეგ გადაიდო;
5 ივლისს - სხდომა 8-ის ნახევარზე გადაიდო;
8 ივლისს - სდომის დასრულების შესახებ ინფორმაცია 7-ის ნახევრის შემდეგ გახდა ცნობილი (სხდომის დაწყების შესახებ ინფორმაცია შენობაში მყოფ მონიტორებს არ მიაწოდეს).

ეს სია ამომწურავი არაა.

პატივისცემით,

მარი