ყვარლის მუნიციპალიტეტის ბიუჯეტი
მოგესალმებით,
ყვარლის მუნიციპალიტეტის საკრებულოს საჯარო ინფორმაციის ხელმისაწვდომობაზე პასუხისმგებელ პირს.
საქართველოს კონსტიტუციისა და საქართველოს ზოგადი ადმინისტრაციული კოდექსის თანახმად, გთხოვთ მომაწოდოთ შემდეგი სახის საჯარო ინფორმაცია:
ყვარლის მუნიციპალიტეტის ბიუჯეტის შესახებ მონაცემები 2011-2021 წლებში, ჩაშლილი შემდეგი კლასიფიკაციით:
- დასახელება
-წლიური გეგმა
-შესრულება
ზემოთ მოთხოვნილი ინფორმაცია გთხოვთ გამომიგზავნოთ ელექტრონული ფორმატით- excel.
პატივისცემით,
მართა მხეიძე
მოგესალმებით,
როგორც მოგეხსენებათ, საჯარო ინფორმაციის მოთხოვნისას, განცხადების ფორმალურ მოთხოვნებს სზაკ-ის 78-ე მუხლი არეგულირებს.
კანონის თანახმად, განცხადება უნდა შეიცავდეს განმცხადებლის ვინაობას. სახელის, გვარისა და პირადი ნომრის მითითებით, განმცხადებლის ვინაობა დასტურდება. პირადობის მოწმობის ასლი არ არის აუცილებელი დანამატი განცხადების დასაკმაყოფილებლად.
საქართველოში მოქმედი საჯარო უწყებები პირადობის მოწმობის ასლის მოთხოვნის გარეშე გასცემენ საჯარო ინფორმაციას, ნაწილი კი პროცედურას კიდევ უფრო ამარტივებს. გთხოვთ, ამჯერადაც და მომავალშიც, დაბრკოლებების გარეშე მოვემსახუროთ საჯარო ინფორმაციის მაღალ დემოკრატიულ ინტერესს.
მოგესალმებით,
,,ელექტრონული დოკუმენტისა და ელექტრონული სანდო მომსახურების შესახებ"
საქართველოს კანონის მე-3 მუხლის მე-3 პუნქტის თანახმად, თქვენს მიერ
გამოგზავნილ წერილზე შესრულებული უნდა იყოს ელექტრონული ხელმოწერა ან/და
კვალიფიციური ელექტრონული შტამპი.
