საქართველოს კომუნიკაციების ეროვნული კომისია (შემდგომში - კომუნიკაციების
კომისია) გაცნობებთ, რომ კომუნიკაციების კომისიის 2022 წლის 8 დეკემბრის
№გ-22-22/559 გადაწყვეტილებით დამტკიცებული „საქართველოს კომუნიკაციების
ეროვნული კომისიის საქმისწარმოების რეგლამენტის“ თანახმად, 2023 წლის პირველი
იანვრიდან,კომუნიკაციების კომისიაში ელექტრონული ფორმით წარდგენილ
კორესპონდენციას სავალდებულოა ჰქონდეს „ელექტრონული დოკუმენტისა და
ელექტრონული სანდო მომსახურების შესახებ“ საქართველოს კანონით განსაზღვრული
კვალიფიციური ელექტრონული ხელმოწერა ან/და კვალიფიციური ელექტრონული შტამპი.
ამ წესით შემოსული კორესპონდენცია მიიღება და დარეგისტრირდება დადგენილი
წესით.

აქვე გაცნობებთ, რომ კომუნიკაციების კომისია რეგისტრაციაში არ გაატარებს
ელექტრონული ფორმით შემოსულ ისეთ წერილს, რომელსაც არ ექნება კვალიფიციური
ელექტრონული ხელმოწერა ან/და კვალიფიციური ელექტრონული შტამპი, ასევე, არ
დარეგისტრირდება ხარვეზიანი ან არასრულად შემოტანილი წერილი.
ამასთანავე, კვლავ შესაძლებელი იქნება პირადი ხელმოწერით დადასტურებული
მატერიალური დოკუმენტის წარმოდგენა, კანონმდებლობით დადგენილი წესით.
გთხოვთ, მიიღოთ ცნობად ეს ინფორმაცია და გაითვალისწინოთ კომისიასთან
ურთიერთობის პროცესში.