მოგესალმებით საჯარო დაწესებულების საავტომობილო გზების დეპარტამენტი საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

1. 2026 წლის 1 იანვრიდან დღემდე, „საავტომობილო გზების შესახებ“ საქართველოს კანონის 22-ე მუხლის პირველი და მე-4 პუნქტებით გათვალისწინებულ გზისპირა ზონებში (100 და 200 მეტრი) სამშენებლო საქმიანობის შეთანხმების მოთხოვნით შემოსული განაცხადების რაოდენობა;

2. აღნიშნული განაცხადებიდან რამდენი დაკმაყოფილდა, რამდენი დაკმაყოფილდა პირობებით და რამდენზე ითქვა უარი;

3. უარის თქმის ძირითადი საფუძვლები და, დაკმაყოფილების შემთხვევაში, ჩვეულებრივ დაწესებული პირობები (მაგ.: გზის ღერძიდან დაშორების მინიმალური მანძილი, მისასვლელი გზის მოწყობის მოთხოვნები);

4. იგივე ინფორმაცია ცალკე საქართველოს მთავრობის 2026 წლის 12 თებერვლის №54 დადგენილებით განსაზღვრულ ს-9 თბილისის შემოსავლელ გზაზე (კმ0 - კმ49);

5. გზისპირა ზონაში შეთანხმების გაცემის წესის მარეგულირებელი მოქმედი ნორმატიული აქტის დასახელება და ნომერი.

6. 2026 წლის 19 სექტემბრიდან დღემდე, „საავტომობილო გზების შესახებ“ კანონის 22¹ მუხლის საფუძველზე დაკისრებული ადმინისტრაციული სახდელების (ჯარიმების) და მიღებული დემონტაჟის შესახებ დადგენილებების რაოდენობა;

7. ვრცელდება თუ არა გზისპირა ზონის შეზღუდვა დაგეგმილ, ჯერ აუშენებელ საავტომობილო გზებსა და სატრანსპორტო კვანძებზე (მათ შორის, ს-9 თბილისის შემოსავლელი გზის ლოტი 3-ის კვანძებზე), და რომელი ღერძიდან იზომება 200-მეტრიანი ზონა სატრანსპორტო კვანძის/გასასვლელი რამპის შემთხვევაში;

8. შეთანხმების განაცხადის განხილვის საშუალო ვადა 2026 წელს.

ინფორმაცია, შესაძლებლობის შემთხვევაში, მომაწოდეთ ელექტრონული ფორმით (Excel ან PDF).

პატივისცემით,

ბექა ბერიძე