მოგესალმებით საჯარო დაწესებულების საქართველოს პარლამენტი საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

რა ნაბიჯები გადადგა პარლამენტის იურიდიულ საკითხთა კომიტეტმა ევროკომისიის მე-6 დათქმის შესასრულებლად. (ყოვლისმომცველი და ეფექტური სასამართლო რეფორმის დასრულება და განხორციელება, მათ შორის იუსტიციის უმაღლესი საბჭოსა და პროკურატურის ყოვლისმომცველი რეფორმა, ვენეციის კომისიის რეკომენდაციების სრულად შესრულება გამჭვირვალე და ინკლუზიური პროცესის გზით.)

ასევე, შეიქმნა თუ არა სამუშაო ფორმატი ყველა საპარლამენტო პოლიტიკური პარტიისა და არასამთავრობო ორგანიზაციების მონაწილეობით სასამართლო და პროკურატურის რეფორმის საკითხებზე, რამდენი შეხვედრა ჩატარდა და თუ იქნა კონკრეტული გადაწყვეტილებები მიღებული, ასევე ოპოზიციის და სამოქალაქო სექტორის ინიციატივები გათვალისწინებული? (კონკრეტულად რომელი)

მოხდა თუ არა შესაბამისი საკანონმდებლო ცვლილებების განახლება ამ წლის 31 იანვარს და რას მოიცავდა ცვლილება.

მოხდა თუ არა შესაბამისი საკანონმდებლო ცვლილებების მიღება და რას მოიცავდა ცვლილება.

გთხოვთ, ინფორმაცია მომაწოდოთ ელექტორნულ ფორმატში და ჩემთან მიმოწერა იქონიოთ ელექტრონული ფორმით,

პატივისცემით,

ნინო აფაქიძე