მოგესალმებით,

სსიპ - ვეტერანების საქმეთა სახელმწიფო სამსახურში შემოსული თქვენი
განცხადების პასუხად, რომელიც შეეხება ვეტერანთა შვილების განათლების
დაფინანსების საკითხს, გაცნობებთ შემდეგს:

სსიპ - ვეტერანების საქმეთა სახელმწიფო სამსახურის დირექტორის 2021 წლის 01
ივნისის №11618 ბრძანებით დამტკიცებული პროგრამის ფარგლებში, ვეტერანების
საქმეთა სახელმწიფო სამსახურის ბიუჯეტის ასიგნებებიდან, უმაღლეს
საგანმანათლებლო დაწესებულებებში აკრედიტებულ ბაკალავრიატის უმაღლეს
საგანმანათლებლო პროგრამებზე სწავლა უფინანსდებათ საომარი მოქმედებების
შემდგომ გარდაცვლილი ვეტერანის შვილებს, იმ შემთხვევაში, თუ ვეტერანი
გარდაცვალებამდე რეგისტრირებული იყო ვეტერანთა აღრიცხვის ელექტრონულ
მონაცემთა ბაზაში ან ვეტერანის გარდაცვალების შემდგომ ,,მარჩენალდაკარგულის“
სტატუსით რეგისტრირებული იყო თავად სტუდენტი ან გარდაცვლილი ვეტერანის ოჯახის
სხვა წევრი. ამ შემთხვევაში წარმოდგენილი უნდა იქნეს  ვეტერანის
გარდაცვალების მოწმობა და სტუდენტის დაბადების მოწმობა, რომლებშიც მითითებული
იქნება გარდაცვლილი ვეტერანის პირადი ნომერი. ამასთან გაცნობებთ, რომ
2024/2025 სასწავლი წლის გაზაფხულის სემესტრის სწავლის საფასურის
დაფინანსებასთან დაკავშირებით განცხადებების მიღება წარმოებდა მიმდინარე წლის
14 მარტის ჩათვლით და ამჟამად დასრულებულია. განცხადებების მიღება განახლდება
2025/2026 სასწავლი წლის შემოდგომის სემესტრისათვის, რაზედაც დეტალური
ინფორმაცია გამოქვეყნდება საჯაროდ.

პატივისცემით,

ირაკლი ჭანტურიძე

საჯარო ინფორმაციის ხელმისაწვდომობის

უზრუნველყოფაზე პასუხისმგებელი პირი