ვეტერანის შვილების დაფინანსება
მოგესალმებით საჯარო დაწესებულების ვეტერანების საქმეთა სახელმწიფო სამსახური საჯარო ინფორმაციის გაცემაზე პასუხისმგებელ პირს.
საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
სტუდენტის მხრიდან დაფინანსების მისაღებად საჭირო საბუთების სრული ჩამონათვალი, კერძოდ:
• რომელი საბუთები უნდა წარადგინოს სტუდენტმა თავად;
• რომელ საბუთებს სახელმწიფო დაწესებულება თავად გამოითხოვს და სტუდენტს წარდგენა არ სჭირდება.
რადგან, როგორც ვიცი, წინა წელს სტუდენტს სჭირდებოდა, რომ თავად წარედგინა:
• ცნობა სასწავლებლიდან, რომელშიც გაწერილი იქნება: საგანმანათლებლო
პროგრამის დასახელება, სემესტრი, სტუდენტი სარგებლობს თუ არა სახელმწიფო
გრანტით ან სხვა ტიპის დაფინანსებით, გადახდილი თანხის ოდენობა,
დარჩენილი თანხის ოდენობა;
• ანგარიშ-ფაქტურა (ინვოისი) გადასახდელ თანხაზე სასწავლებლიდან.
პატივისცემით,
ანა
მოგესალმებით,
სსიპ ვეტერანების საქმეთა სახელმწიფო სამსახურში შემოსული თქვენი წერილობითი
მომართვის პასუხად, რომელიც შეეხება სამსახურში მოქმედი განათლების
დაფინანსების პროგრამის ფარგლებში წარმოსადგენი დოკუმენტაციის შესახებ
ინფორმაციის მოწოდებას, გაცნობებთ შემდეგს:
აკრედიტებულ ბაკალავრიატის უმაღლეს საგანმანათლებლო და
სამედიცინო/სტომატოლოგიური პროგრამებზე 2025-2026 წლების შემოდგომის
სემესტრის სწავლის საფასურის დაფინანსების მოსაპოვებლად, ვეტერანების საქმეთა
სახელმწიფო სამსახურში, განცხადებასთან ერთად, წარმოდგენილ უნდა იქნეს:
სტუდენტის პირადობის მოწმობა; სტუდენტის დაბადების მოწმობა; ვეტერანის
მოწმობა; ვეტერანის პირადობის მოწმობა.
განცხადების განსახილველად საჭირო სხვა დოკუმენტაციის/ინფორმაციის გამოთხოვას
უმაღლესი საგანმანათლებლო დაწესებულებებიდან უზრუნველყოფს ვეტერანების
საქმეთა სახელმწიფო სამსახური.
პატივისცემით,
ირაკლი ჭანტურიძე
სსიპ ვეტერანების საქმეთა სახელმწიფო სამსახურის
სამართლებრივი უზრუნველყოფის
დეპარტამენტის უფროსი
მის.: თბილისი, გიორგი გურამიშვილის ქ. №12ა
ტელ.: 595 999910
