მოგესალმებით საჯარო დაწესებულების ქალაქ თბილისის მუნიციპალიტეტის მერია საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

ბოლო 5 წლის განმავლობაში თბილისის მერიის მიერ გარემოსდაცვით ღონისძიებებზე გაწეული ხარჯების შესახებ, წლების მიხედვით თემატურად დაყოფილი შემდეგნაირად:

ურბანული მწვანე სივრცეების მოწყობა და შენარჩუნება (პარკები, ბაღები, ხეების დარგვა და მოვლა);
ატმოსფერული ჰაერის ხარისხის მონიტორინგი და გაუმჯობესების ღონისძიებები;
ნარჩენების მართვა (გადამუშავება, შეგროვება, გადასაზიდი ინფრასტრუქტურა);
ეკოლოგიური ცნობიერების ამაღლების კამპანიები და პროექტები;
სხვა გარემოსდაცვითი პროექტები, თუ არსებობს.

არის თუ არა შემუშავებული თბილისის გარემოსდაცვითი სტრატეგია, მოქმედების გეგმა? თუ კი, გთხოვთ გამომიგზავნოთ მისი ელექტრონული ვერსია.

არსებობს თუ არა გარემოსდაცვითი პროექტების მონიტორინგისა და შეფასების მექანიზმი და როგორია ის?

მიმდინარეობს თუ არა საერთაშორისო ორგანიზაციებთან თანამშრომლობა გარემოსდაცვითი მიმართულებით და თუ კი – რომელი პროექტები ხორციელდება მის ფარგლებში?

პატივისცემით,

ნატალია