სახელმწიფო შესყიდვების სააგენტოს საწვავის ხარჯები 2013-2023 წწ.
მოგესალმებით,
სახელმწიფო შესყიდვების სააგენტოში საჯარო ინფორმაციის გაცემაზე პასუხისმგებელ პირს.
საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
2013-2023 წლებში თქვენი დაწესებულების საწვავის ხარჯები. გთხოვთ, ეს ინფორმაცია ჩაშალოთ შემდეგნაირად:
- წელი
- საწვავის რაოდენობა (ლიტრობით)
- საწვავის ხარჯი
გთხოვთ, ინფორმაცია მომაწოდოთ excel-ის ფორმატით, ელექტრონული ფორმით. ჩემთან კომუნიკაციაც აწარმოეთ მხოლოდ ელექტრონული ფოსტის მეშვეობით.
გთხოვთ, მომწეროთ განცხადების რეგისტრაციის ნომერი და თარიღი.
გმადლობთ.
პატივისცემით,
მირანდა თეთრაძე
მოგესალმებით,
2018 წლის 1 ივლისს ძალაში შევიდა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონი, რომლის მე-3 მუხლის მე-3 პუნქტის მიხედვით „თუ ფიზიკური პირი ან კერძო სამართლის იურიდიული პირი ადმინისტრაციულ ორგანოსთან ურთიერთობისას კომუნიკაციის ელექტრონულ ფორმას აირჩევს და მის მიერ წარდგენილი დოკუმენტი ხელმოწერას ან/და შტამპს საჭიროებს, სავალდებულოა ამ დოკუმენტზე კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა. ეს წესი არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს“.
საქართველოს კანონმდებლობის მიხედვით ადმინისტრაციული ორგანოსადმი მიმართვა უნდა შეიცავდეს განმცხადებლის ხელმოწერას.
თქვენს მიერ გამოგზავნილია ელექტრონული დოკუმენტი, რომელზეც მიუხედავად „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნისა არ არის შესრულებული კვალიფიციური ელექტრონული ხელმოწერა ან/და არ არის დასმული კვალიფიციური ელექტრონული შტამპი.
შესაბამისად, გთხოვთ, კანონმდებლობის მოთხოვნათა დაცვით წარადგინოთ ელექტრონული დოკუმენტი, რომელზეც შესრულებული იქნება კვალიფიციური ელექტრონული ხელმოწერა ან/და დასმული იქნება კვალიფიციური ელექტრონული შტამპი, წინააღმდეგ შემთხვევაში სააგენტო ვერ მიიღებს თქვენ მიერ გამოგზავნილ ელექტრონულ დოკუმენტს.
აქვე აღსანიშნავია, რომ ხსენებული კანონი არ ზღუდავს ფიზიკური პირებისა და კერძო სამართლის იურიდიული პირების უფლებას, საკუთარი არჩევანის შესაბამისად გამოიყენონ მატერიალური დოკუმენტი.
