ინფორმაციის მოთხოვნა ვეტერანის დაფინანსების პროგრამის შესახებ
მოგესალმებით საჯარო დაწესებულების ვეტერანების საქმეთა სახელმწიფო სამსახური საჯარო ინფორმაციის გაცემაზე პასუხისმგებელ პირს.
საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
2025 წლის 26 ივლისს ვამთავრებ ბაკლავრიას. ვეტერანის დაფინანსების პროგრამის შესახებ სულ ახლახანს შევიტყვე, შესაბამისად, მაინტერესებს როგორც ვეტერანის შვილს, შესაძლებელია თუ არა ჩემი სწავლის გადახდილი თანხის ანაზრაურება.
თუ ეს შესაძლებლობა არსებობს, გთხოვთ დამაკვალიანოთ თუ ვის და სად მივმართო.
როგორც ჩემთვის ცნობილია განცხადებისათვის საჭიროა შემდეგი დოკუმენტები:
განცხადება და შემდეგ დოკუმენტები:
• სტუდენტის პირადობის მოწმობა;
• სტუდენტის დაბადების მოწმობა;
• ვეტერანის პირადობის მოწმობა;
• ვეტერანის მოწმობა;
• ცნობა სასწავლებლიდან, რომელშიც გაწერილი იქნება: საგანმანათლებლო
პროგრამის დასახელება, სემესტრი, სტუდენტი სარგებლობს თუ არა სახელმწიფო
გრანტით ან სხვა ტიპის დაფინანსებით, გადახდილი თანხის ოდენობა,
დარჩენილი თანხის ოდენობა;
• ანგარიშ-ფაქტურა (ინვოისი) გადასახდელ თანხაზე სასწავლებლიდან.
გთხოვთ მომაწოდეთ დამატებითი ინფორმაცია საჭიროების შემტხვევაში.
პატივისცემით,
გიორგი
მოგესალმებით,
ამ ეტაპზე მოკლებულნი ვართ შესაძლებლობას გაცნობოთ ვეტერანთა შვილების
განათლების დაფინანსების პროგრამის ფარგლებში, 2025/2026 სასწავლი წლის
შემოდგომის სემესტრისთვის განცხადების წარმოდგენის ვადა და შესაბამისი
დოკუმენტაციის ჩამონათვალი, რადგან აღნიშნული განისაზღვრება სსიპ ვეტერანების
საქმეთა სახელმწიფო სამსახურის დირექტორის ბრძანებით, დაახლოებით მიმდინარე
წლის აგვისტოს თვეში. სამსახურის დირექტორის მიერ აღნიშნული ბრძანების
გამოცემის შემდგომ, შესაბამისი ინფორმაცია გამოქვეყნდება საჯაროდ სამსახურის
ელექტრონულ რესურსებზე. ინფორმაციის მისაღებად ასევე შეგიძლიათ
დაგვიკავშირდეთ სამსახურის ცხელ ხაზზე (2 481626).
პატივისცემით,
ირაკლი ჭანტურიძე
სსიპ ვეტერანების საქმეთა სახელმწიფო სამსახურის
სამართლებრივი უზრუნველყოფის
დეპარტამენტის უფროსი
მის.: თბილისი, გიორგი გურამიშვილის ქ. №12ა
ტელ.: 595 999910
