განათლების ხარისხის განვითარების
ეროვნულ ცენტრს

მოქალაქე ნიკოლოზ ნიკოლაძის
საცხოვრებელი რეგისტრაციის ადგილი:
თბილისი, მისამართის გარეშე
(ელ ფოსტის რეკვიზიტები და
პირადი ნომერი მითითებულია
ხელმოწერასთან ერთად

განცხადება

თქვენს ვებ გვერდზე eqe.ge მოცემული ინფორმაციის თანახმად, უცხოეთში მიღებული განათლების აღიარების მიზნით, ცენტრი ამოწმებს გაცემულია თუ არა საგანმანათლებლო დოკუმენტი იმ პირის სახელზე, რომელიც მითითებულია ამ დოკუმენტში, და არის თუ არა დოკუმენტის გამცემი საგანმანათლებლო დაწესებულება აღიარებული იმ ქვეყნის კანონმდებლობით, სადაც ეს დაწესებულება ახორციელებს საგანმანათლებლო საქმიანობას (ნამდვილობის დადასტურება) და ადგენს საგანმანათლებლო დოკუმენტში ასახული კვალიფიკაციის ან სწავლის პერიოდში მიღწეული სწავლის შედეგების საქართველოში არსებულ კვალიფიკაციებთან შესაბამისობას. აღიარებას ექვემდებარება:
• ზოგადი განათლება.
• პროფესიული განათლება.
• უმაღლესი განათლება.

აღიარებას არ ექვემდებარება:
• სკოლამდელი განათლება (საბავშვო ბაღი).
• რეზიდენტურაში მიღებული განათლება.
• საქართველოს საგანმანათლებლო დაწესებულების მიერ ცენტრისგან მიღებული თანხმობით განხორციელებული გაცვლითი პროგრამის ფარგლებში მიღებული განათლება.

მოგმართავთ თხოვნით, საჯარო ინფორმაციის სახით მომაწოდოთ ინფორმაცია თუ როდიდან ფუნქციონირებთ, განმიმარტოთ თუ რა პროცედურებს მოიცავს თქვენს მიერ დიპლომის აღიარება (მაგალითად რა შემთხვევაში შეიძლება დადგინდეს ხარვეზი) და პირობითად, ექვემდებარება თუ არა აღიარებით გათვალისწინებული პროცედურების გავლა სსრკ-ს სუბიექტებში(მათ შორის საქართველოს სსრკ) გაცემული დიპლომიც, ისევე, როგორც ვთქვათ თუ პირი თქვენი ფუნქციონირების დაწყებამდე უკვე გახდება მოხელე და საჭიროებს თუ არა მონაცემთა განახლების მიზნით ზემოხსენებული აღიარებისთვის მიზნით მომართვას.
ამას გარდა, ჩემთვის საინტერესოა თუ რა სპეციალობებით, უბრუნდებიან საჯარო სამსახურს ქვეყნის ფარგლებს გარეთ უმაღლესი განათლება მიღებული პირები და თუ ეს შესაძლებელია გაცემული დიპლომის, განსაზღვრული ფაკულტეტის, გამცემი ორგანოს და გაცემის და აღიარების თარიღის მითითებით მომაწოდოთ თქვენს ხელთ დაცული ინფორმაცია (ბაზები თუ მეტს ითვალისწინებენ, გთხოვთ, სრულყოფილად გამიზიაროთ, თუ ეს დასაშვებია იმ ფარგლებში, რაც პერსონალურ მონაცემთა დაცვის შესახებ კანონმდებლობის ფარგლებში შეიძლება ჩაჯდეს).
აქვე, ჩემს კითხვებზე პასუხთან ერთად მიუთითეთ თუ რა ძალა ექნება დიპლომის აღიარების გარეშე მის გამოყენების დროს (საჯარო და კერძო სამსახურში დასასაქმებლად). აქვე, აღვნიშნავ, რომ 2021 წელს გავიარე რიგის სამართლის უმაღლესი სკოლის (ორ თვიანი, დისტანციური) ინტენსიური კურსი, რომლის დამთავრების შემდგომ ელექტრონულ დისტანციურ კურსს ეწერა, რომ სკოლა აკრედიტირებული იყო ლატვიის განათლების სამინისტროს მიერ. მოგმართავთ კითხვით, თუ ხსენებული სერტიფიკატიც საჭიროებს აღიარებით გათვალისწინებულ პროცედურებს, მაცნობოთ (თან დამიზუსტოთ დამოწმებული ელექტრონული ასლი მისაღებია თუ დედნის გამოთოვა იქნება ლატვიის მხარიდან საჭირო). აქვე, გთხოვთ გამიზიაროთ განათლების ხარისხის განვითარების
ეროვნულ ცენტრის ის დადებითი პოზიცია თუ დადებითი წერილობითი ინფორმაცია, დასტური ჩემი უმაღლესი განათლების დამადასტურებელ დოკუმენტებთან მონაცემების სიზუსტეზე თუ ჭეშმარიტებაზე, რომელიც გაგიციათ ლატვიის თუ სხვა სახელმწიფოებისათვის, ორგანიზაციებისათვის 2004-დან დღემდე.
=========
პატივისცემით,

ნიკოლოზ ნიკოლაძე