მოგესალმებით,

სსიპ ვეტერანების საქმეთა სახელმწიფო სამსახურში შემოსული თქვენი წერილობითი
მომართვის პასუხად, რომელიც შეეხება სამსახურში მოქმედი განათლების
დაფინანსების პროგრამით სარგებლობის წესს, გაცნობებთ შემდეგს:

აღნიშნული პროგრამის ფარგლებში დაფინანსების მიმღები პირები არიან შემდეგი
სტუდენტები:

• სამსახურის ვეტერანთა აღრიცხვის ელექტრონულ მონაცემთა ბაზაში
რეგისტრირებული ვეტერანები;
• სამსახურის მონაცემთა ბაზაში რეგისტრირებული ომში დაღუპულთა ოჯახის
წევრები და მარჩენალდაკარგულები;
• ომის შემდეგ გარდაცვლილი საქართველოს ტერიტორიული მთლიანობის,
თავისუფლებისა და დამოუკიდებლობისათვის საბრძოლო მოქმედებების ვეტერანთა
შვილები;
• სამსახურის მონაცემთა ბაზაში რეგისტრირებულ შეზღუდული შესაძლებლობის
მქონე ვეტერანთა შვილები;
• სამსახურის მონაცემთა ბაზაში რეგისტრირებული ვეტერანების შვილები.

2025-2026 წლების შემოდგომისა და გაზაფხულის სემესტრის სწავლის საფასურის
დაფინანსების მიღების მიზნით ვეტერანებისა და მათი ოჯახის წევრების მიერ 
განცხადებისა და შესაბამისი დოკუმენტების წარმოდგენის ვადად განისაზღვრა 2025
წლის 25 აგვისტოდან 2025 წლის 25 სექტემბრის ჩათვლით პერიოდი.

პატივისცემით,

ირაკლი ჭანტურიძე

სსიპ ვეტერანების საქმეთა სახელმწიფო სამსახურის

სამართლებრივი უზრუნველყოფის

დეპარტამენტის უფროსი

მის.: თბილისი, გიორგი გურამიშვილის ქ. №12ა

ტელ.: 595 999910