*00004795*
29/01/2026
№ 00004795
ნიკოლოზ ნიკოლაძეს
ელ. ფოსტა: xxxxxxxxx.xxxx@xxxxx.xxx
ბატონო ნიკოლოზ,
საქართველოს სპორტის სამინისტროში (შემდგომ - სამინისტრო) შემოსულია საქართველოს
მთავრობის ადმინისტრაციის 2026 წლის 15 იანვრის NGOV 7 26 00000797 წერილი
(სამინისტროში რეგისტრაციის N2599, თარიღი: 20/01/2026 წ.), რომლითაც გადმოგზავნილია
თქვენი 2026 წლის 14 იანვრის N756 და N873 განცხადებები. აღნიშნული განცხადებების
პასუხად გაცნობებთ შემდეგს:
2026 წლის ზამთრის ოლიმპიადა ჩატარდება 6-22 თებერვალს, იტალიაში. ოლიმპიური
შეჯიბრებები გაიმართება ზამთრის სპორტის 16 სახეობაში, საიდანაც საქართველოს ლიცენზია
მოპოვებული აქვს 2 სახეობაში, ჯამში 8 ლიცენზია: 6 - ფიგურულ ციგურაობაში, 2 -
სათხილამურო სპორტის სახეობაში.
რაც შეეხება აღნიშნულ სპორტის სახეობათა დაფინანსების საკითხს, 2025 წელს ა(ა)იპ
საქართველოს სათხილამურო ფედერაცია სამინისტროსაგან დაფინანსდა - 1 800 000 ლარით,
ხოლო საქართველოს ოლიმპიური კომიტეტიდან (რომელიც, თავის მხრივ, ფინანსდება, მათ
შორის, საქართვლოს სპორტის სამინისტროსაგან) - 182 821.10 ლარით. ა(ა)იპ საქართველოს
ფიგურული ციგურაობის ფედერაცია კი ამავე წელს სამინისტროსაგან დაფინანსდა - 3 437
184.19 ლარით, ხოლო საქართველოს ოლიმპიური კომიტეტიდან - 82 067.86 ლარით.
ამასთან, გაცნობებთ, რომ საქართველოს სპორტის სამინისტროსთვის თანაბრად
მნიშვნელოვანია სპორტის ყველა სახეობის განვითარება, ამდენად, პრიორიტეტული სპორტის
სახეობები, მათ შორის ოლიმპიურ სახეობებს შორის, არ არის განსაზღვრული.
რაც შეეხება ფეხბურთის მხარდაჭერას, ამ მიზნით, 2025 წელს სახელმწიფო ბიუჯეტიდან ა(ა)იპ
ქართული ფეხბურთის განვითარების ფონდს გამოეყო 52 381 500 ლარი (მათ შორის, 2 500 000
ლარი გამოიყო საქართველოს მთავრობის სარეზერვო ფონდიდან), საიდანაც 14 032 492.87
ლარით ფონდის მიერ დაფინანსდა ა(ა)იპ საქართველოს ფეხბურთის ფედერაცია. ფედერაციის
საკუთარ შემოსავლებსა და ხარჯებთან დაკავშირებით სამინისტრო ინფორმაციას არ ფლობს.
1
დამატებით გაცნობებთ, რომ სამინისტრო, საკლუბო ფეხბურთის განვითარების მიზნით
აფინანსებს ფონდს, თუმცა, თანხის ხარჯვის მიზნობრიობას, მათ შორის ფეხბურთელთა
შეძენასთან/იჯარასთან დაკავშირებით, განსაზღვრავს თავად საფეხბურთო კლუბი.
პატივისცემით,
საქართველოს სპორტის სამინისტროს
იურიდიული სამსახურის უფროსი
ლევან ჩარგაზია
2
