*MES9250000643798*
10/06/2025
MES 9 25 0000643798
მოქალაქე მარიამ ბიძინაშვილს
ელ.ფოსტა: xxxxxxxxxxxxxxxxxxxxxxxxx@xxxxxx.xx
ქალბატონო მარიამ,
საქართველოს
განათლების,
მეცნიერებისა
და
ახალგაზრდობის
სამინისტროში
წარმოდგენილ თქვენს განცხადებასთან (სამინისტროში რეგისტრაციის N575291; 27.05.2025)
დაკავშირებით, საქართველოს ზოგადი ადმინისტრაციული კოდექსის მე-10, 28-ე, 37-ე, მე-40
მუხლების გათვალისწინებით გაცნობებთ, რომ საქართველოს საჯარო სკოლებში
დასაქმებული არიან ფსიქოლოგები, რომლებიც მუშაობენ სპეციალური საგანმანათლებლო
საჭიროების მქონე მოსწავლეებთან როგორც ინდივიდუალურად, ისე ჯგუფურად
აკადემიური, ფუნქციური, სოციალური უნარების განვითარებაზე, მონაწილეობენ
ინდივიდუალური სასწავლო გეგმის შედგენა-განხორციელების პროცესში, კონსულტაციას
უწევენ სპეციალური საგანმანათლებლო საჭიროების მქონე მოსწავლის კანონიერ
წარმომადგენელს, მასწავლებლებს და სხვა სპეციალისტებს სპეციალური საგანმანათლებლო
საჭიროების მქონე მოსწავლეთა სწავლების სტრატეგიების, ქცევის მართვის და ა.შ. შესახებ.
სპეციალური საგანმანათლებლო საჭიროების მქონე მოსწავლესთან ფსიქოლოგის მუშაობის
საჭიროება განისაზღვრება მულტიდისციპლინური გუნდის შეფასების დასკვნის
საფუძველზე. ამდენად, ცვალებადია მათი რაოდენობა.
ამასთან, გასათვალისწინებელია, რომ საჯარო სკოლის ფსიქოლოგების გარდა, სსიპ
საგანმანათლებლო
დაწესებულების
მანდატურის
სამსახურის
ფსიქოსოციალური
მომსახურების ცენტრი (სამმართველო), ფსიქოსოციალურ მომსახურებას სთავაზობს
საგანმანათლებლო დაწესებულების ქცევითი და ემოციური დარღვევების მქონე
მოსწავლეებს, მათ მშობლებსა და კანონიერ წარმომადგენლებს. მოსწავლეებთან მუშაობის
ფარგლებში ცენტრი, საჭიროებისამებრ, მუშაობს ბავშვთან დაკავშირებულ ნებისმიერ
სუბიექტთან.
ინდივიდუალური შემთხვევების ფარგლებში გამოკვეთილი საკითხების და/ან საჭიროებების
შესაბამისად,
ფსიქოსოციალური
მომსახურების
ცენტრი
ატარებს
კანონით
გათვალისწინებულ ღონისძიებებს. ცენტრის მიერ შემთხვევის სპეციფიკიდან გამომდინარე
ხორციელდება
ვიზიტები
საგანმანათლებლო
დაწესებულებებში
შეფასების/კონსულტირების/ინტერვენციის მიზნით. ვიზიტები შინაარსით შესაძლოა იყოს
კრიზისული და გეგმიური.
ფსიქოსოციალური მომსახურების ცენტრის ბაზაზე ფუნქციონირებს 24 საათიანი ცხელი
ხაზი, რომლის მიზანია დროული და დაუყოვნებელი ფსიქოლოგიური კონსულტაციის
გაწევა, ასევე, კომპეტენციის ფარგლებში, მომსახურების მიმღებთათვის საჭირო
ინფორმაციის მიწოდება. ამასთან, ფსიქოსოციალური მომსახურების ცენტრი პორტალის
befriend.mes.gov.ge მეშვეობით ონლაინ საკონსულტაციო მომსახურებას სთავაზობს
მოსწავლეებს,
რომელიც
მომხმარებელს
აძლევს
შესაძლებლობას,
სრული
კონფიდენციალურობის დაცვით, ონლაინ ჩათის საშუალებით, მიიღოს კვალიფიციური
ფსიქოლოგიური კონსულტაცია.
სსიპ საგანმანათლებლო დაწესებულების მანდატურის სამსახურის ფსიქოსოციალური
მომსახურების ცენტრები წარმოდგენილია მთელი საქართველოს მასშტაბით 13 ლოკაციაზე.
აქვე განგიმარტავთ, რომ უფლება გაქვთ მიმართოთ საქართველოს ზოგადი
ადმინისტრაციული კოდექსის 47-ე მუხლით დადგენილ რეგულაციებს.
პატივისცემით,
საჯარო ინფორმაციის ხელმისაწვდომობის უზრუნველყოფაზე
პასუხისმგებელი საჯარო მოსამსახურე
ადმინისტრაციის (დეპარტამენტი)
საქმისწარმოების სამმართველოს უფროსი
ნათია ლომთაძე
