– თბილისის ტერიტორიაზე არსებული ცხოველთა სამარხების შესახებ

Currently waiting for a response from Animal Monitoring Agency, they should respond promptly and normally no later than (details).

მოგესალმებით საჯარო დაწესებულების ცხოველთა მონიტორინგის სააგენტო საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

გთხოვთ, მომაწოდოთ საჯარო ინფორმაცია ქალაქ თბილისის მუნიციპალიტეტის ტერიტორიაზე არსებული ყველა ოფიციალური ცხოველთა სამარხის შესახებ, მათ შორის, იმ ტერიტორიების შესახებ, რომლებიც გამოყოფილია ან ფაქტობრივად გამოიყენება ცხოველთა სხეულების დასამარხად, მიუხედავად იმისა, ეკუთვნის თუ არა აღნიშნული ტერიტორიები ქალაქ თბილისის მუნიციპალიტეტს.

კერძოდ, გთხოვთ, მომაწოდოთ შემდეგი ინფორმაცია და შესაბამისი დოკუმენტაციის ასლები:

1. ცხოველთა სამარხების მისამართები და მდებარეობა: თბილისის ან მის გარეთ ტერიტორიაზე არსებული ყველა ოფიციალური ცხოველთა სამარხის ზუსტი მისამართი, ადგილმდებარეობა, საკადასტრო კოდი, მიწის ფართობი და თითოეული ტერიტორიის რუკა ან სქემა.
2. მიწის საკუთრებისა და სარგებლობის სამართლებრივი საფუძველი: ვის საკუთრებაშია აღნიშნული ტერიტორიები, ვინ არის მათი მესაკუთრე და რა სამართლებრივი საფუძვლით იქნა მოპოვებული აღნიშნული მიწის ნაკვეთების გამოყენების უფლება. კერძოდ, მოხდა თუ არა მათი შეძენა, გადაცემა, იჯარით აღება ან სხვა სამართლებრივი ფორმით სარგებლობაში მიღება. გთხოვთ, მომაწოდოთ შესაბამისი ხელშეკრულებების, გადაწყვეტილებების, განკარგულებებისა და სხვა დამადასტურებელი დოკუმენტების ასლები.
3. ტერიტორიის შემოღობვისა და გამაფრთხილებელი ნიშნების საკითხი: გთხოვთ, განმიმარტოთ, რატომ არ არის ცხოველთა სამარხების ტერიტორიები შემოსაზღვრული და დაცული და რატომ არ არის განთავსებული შესაბამისი გამაფრთხილებელი და საინფორმაციო ნიშნები, რომლებიც მოქალაქეებს აცნობებს აღნიშნული ტერიტორიის დანიშნულების შესახებ. ასევე, გთხოვთ, განმიმარტოთ, არსებობს თუ არა ტერიტორიის შემოღობვისა და გამაფრთხილებელი ნიშნების განთავსების გეგმა და რა ვადებში იგეგმება აღნიშნული საკითხის მოგვარება.
4. ცხოველთა დამარხვაზე პასუხისმგებელი ორგანო: რომელი სახელმწიფო ან მუნიციპალური ორგანო, დაწესებულება ან კერძო კომპანია ახორციელებს თბილისის ტერიტორიაზე ცხოველების დამარხვას? ვინ არის აღნიშნულ საქმიანობაზე პასუხისმგებელი და რა სამართლებრივი საფუძვლით ხორციელდება ეს საქმიანობა?
5. ხელშეკრულებები და მომსახურების შემსრულებელი: გთხოვთ, მომაწოდოთ ცხოველთა დამარხვასთან დაკავშირებული მოქმედი ხელშეკრულებების ასლები, ინფორმაცია მომსახურების განმახორციელებელი ორგანიზაციის დასახელების, საიდენტიფიკაციო კოდისა და მისი შერჩევის საფუძვლის შესახებ. ასევე, გთხოვთ, მომაწოდოთ შესაბამისი შესყიდვის დოკუმენტაცია, გადაწყვეტილებები და დავალებები.
6. უსაფრთხოებისა და გარემოსდაცვითი ნორმების დაცვა: გთხოვთ, მომაწოდოთ ინფორმაცია, რა წესებისა და რეგულაციების საფუძველზე ხდება ცხოველების დამარხვა, ვინ აკონტროლებს სანიტარიულ-ჰიგიენური, ვეტერინარული და გარემოსდაცვითი მოთხოვნების დაცვას და არსებობს თუ არა შესაბამისი შემოწმებების, მონიტორინგისა და დასკვნების დოკუმენტაცია.
7. კონტროლი და ზედამხედველობა: გთხოვთ, განმიმარტოთ, რომელი უწყებაა პასუხისმგებელი ცხოველთა სამარხების მდგომარეობის, ტერიტორიის უსაფრთხოებისა და კანონმდებლობით დადგენილი მოთხოვნების შესრულების კონტროლზე.

გთხოვთ, ზემოაღნიშნული ინფორმაცია და ყველა შესაბამისი დოკუმენტის ასლი მომაწოდოთ სრულად, ელექტრონული ფორმით.

იმ შემთხვევაში, თუ მოთხოვნილი ინფორმაცია სრულად ან ნაწილობრივ არ არის დაცული თქვენს დაწესებულებაში, გთხოვთ, კანონით დადგენილი წესით მაცნობოთ ამის შესახებ და მიუთითოთ შესაბამისი უფლებამოსილი ადმინისტრაციული ორგანო.

გთხოვთ, განცხადება განიხილოთ საქართველოს კანონმდებლობით დადგენილ ვადებში და მოთხოვნილი საჯარო ინფორმაცია მომაწოდოთ სრულყოფილად.

პატივისცემით,

ელენე თარგამაძე