ქალბატონო მარიამ,

თქვენი 2026 წლის 24 ივნისის N19/01261762898-01 წერილით რომლითაც ითხოვთ
კონკრეტულ ინფორმაციას ,,პერსონალური ასისტენტის მომსახურებით უზრუნველყოფის
ქვეპროგრამის’’ დაგეგმვის პროცესში მიღებული გადაწყვეტილებების შესახებ.

როგორც მოგეხსენებათ, საქართველოს ოკუპირებული ტერიტორიებიდან დევნილთა,
შრომის, ჯანმრთელობისა და სოციალური დაცვის მინისტრის 2025 წლის 30 იანვრის
№1/ნ ბრძანებისა და ქალაქ თბილისის მუნიციპალიტეტის საკრებულოს 2025 წლის 28
თებერვლის №52-16 დადგენილების საფუძველზე, ქალაქ თბილისის მუნიციპალიტეტის
მერიის ჯანდაცვისა და სოციალური მომსახურების საქალაქო სამსახური,
დელეგირებული უფლებამოსილების ფარგლებში, ახორციელებს „ქალაქ თბილისის
მუნიციპალიტეტში პერსონალური ასისტენტის მომსახურებით უზრუნველყოფის
ქვეპროგრამას“.

ამასთან, გაცნობებთ, რომ აღნიშნული ქვეპროგრამის შემუშავებისა და დაგეგმვის
პროცესში ქალაქ თბილისის მუნიციპალიტეტის მერიის ჯანდაცვისა და სოციალური
მომსახურების საქალაქო სამსახური არ მონაწილეობდა. შესაბამისად, აღნიშნულ
საკითხთან დაკავშირებით ინფორმაციის მისაღებად გთხოვთ, მიმართოთ საქართველოს
ოკუპირებული ტერიტორიებიდან დევნილთა, შრომის, ჯანმრთელობისა და სოციალური
დაცვის სამინისტროს. დანართის სახით გიგზავნით აღნიშნული ქვეპროგრამის
განხორციელების წესსა და საქართველოს ოკუპირებული ტერიტორიებიდან დევნილთა,
შრომის, ჯანმრთელობისა და სოციალური დაცვის მინისტრის 2025 წლის 30 იანვრის
№1/ნ ბრძანებას. 

პატივისცემით,

პატივისცემით,

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: მარიამი <[მოთხოვნის #4048 ელ-ფოსტა]>
Sent: Wednesday, June 24, 2026 1:09:30 PM
To: Foi
Subject: საჯარო ინფორმაციის მოთხოვნა - საჯარო ინფორმაციის მოთხოვნა —
პერსონალური ასისტენტის სერვისი 18 წლამდე ასაკის შშმ პირთათვის
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

საქართველოს კონსტიტუციის მე-18 მუხლისა და საქართველოს ზოგადი
ადმინისტრაციული კოდექსის III თავის (კერძოდ, 37-ე და 40-ე მუხლების)
საფუძველზე, გთხოვთ, მომაწოდოთ შემდეგი საჯარო ინფორმაცია, რომელიც
უკავშირდება ქალაქ თბილისის მუნიციპალიტეტის საკრებულოს 2025 წლის 28
თებერვლის №52-16 დადგენილებით დამტკიცებულ „ქალაქ თბილისის მუნიციპალიტეტში
პერსონალური ასისტენტის მომსახურებით უზრუნველყოფის ქვეპროგრამას“:

1. ვრცელდება თუ არა პერსონალური ასისტენტის მუნიციპალური სერვისი 18 წლამდე
ასაკის შეზღუდული შესაძლებლობის მქონე პირებზე, და თუ არა — რა კონკრეტულ
ნორმაზე დაყრდნობით არის ეს ასაკობრივი შეზღუდვა დადგენილი?

2. ხომ არ ეწინააღმდეგება არასრულწლოვანთა გამორიცხვა „შეზღუდული
შესაძლებლობის მქონე პირთა უფლებების შესახებ“ საქართველოს 2020 წლის
კანონითა და კონსტიტუციით აღიარებულ დისკრიმინაციის აკრძალვის პრინციპს?

3. რა იყო ის კონკრეტული მიზეზი და დასაბუთება, რის საფუძველზეც ქვეპროგრამის
შემუშავებისას ასაკობრივი ზღვარი 18 წელზე დაწესდა?

4. ჩატარდა თუ არა ქვეპროგრამის მიღებამდე 18 წლამდე ასაკის შშმ პირთა
საჭიროებების შეფასება, და თუ კი — რა შედეგი აჩვენა?

5. ეფუძნება თუ არა არასრულწლოვანთა გამორიცხვა „არათანაზომიერი ტვირთის“
შეფასებას, და რა ფინანსურ თუ ადმინისტრაციულ გათვლებზეა ის დაყრდნობილი?

6. იგეგმება თუ არა ქვეპროგრამის ცვლილება, რომელიც მოიცავს არასრულწლოვან
შშმ პირებსაც — და თუ კი, რა ვადებსა და ბიუჯეტზეა ის გათვლილი?

გთხოვთ, მოთხოვნილი ინფორმაცია მომაწოდოთ ელექტრონული ფორმით, ზემოთ
მითითებულ ელექტრონული ფოსტის მისამართზე.

წინასწარ მადლობას გიხდით თანამშრომლობისთვის.
პატივისცემით,

მარიამ დოხნაძე

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #4048 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers