საჯარო ინფორმაციის მოთხოვნა-მიწოდების სტატისტიკა
მოგესალმებით საჯარო დაწესებულების საქართველოს თავდაცვის სამინისტრო საჯარო ინფორმაციის გაცემაზე პასუხისმგებელ პირს.
საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, დადგენილ ვადაში მომაწოდოთ 2012-2022 წლების მონაცემები, შემდეგ საკითხებზე:
- ჯამში რამდენი ფიზიკური და ელექტრონული წერილი შემოვიდა სამინისტროში საჯარო ინფორმაციის მოთხოვნით.
- საჯარო ინფორმაციის მოთხვონით შემოსული წერილებიდან, გამოყავით ტოპ 5 თემატიკა, რაზეც ყველაზე ხშირად ითხოვენ მონაცემებს.
- საჯარო ინფორმაციის გამოთხოვის წერილებიდან, რამდენი წერილი დარჩა უპასუხოდ და რამდენმა მიიღო მოთხოვნილი ინფორმაცია.
- უპასუხოდ დარჩენილი წერილები რა მიზეზ(ებ)ით დაიბლოკა. გთხოვთ, გამოყოთ ტოპ 5 მიზეზი, რომლის გამოც ყველაზე ხშირი იყო მოთხოვნის უარყოფა.
- საჯარო ინფორმაციის გამოთხოვის წერილებიდან, რამდენ მათგანს მიეწოდა მოთხოვნილი ინფორმაცია კანონით განსაზღვრული დროის გასვლის (10 დღის) შემდეგ.
- რამდენი სასამართლო დავა გქონდა სამინისტროს საჯარო ინფორმაციის მომთხოვნ პირებთან?
- საჯარო ინფორმაციის მომთხოვნ პირებთან, რამდენი დავა მოიგო სამინისტრომ და რამდენი წააგო?
გთხოვთ, ყველა ზემოთ მოთხოვნილი ინფორმაცია ჩაშალოთ წლებისა და რეგიონების მიხედვით (ცალკე გამოყოფილი დედაქალაქით).
გთხოვთ, მონაცემები მომაწოდოთ ელექტრონული ფორმით, excel-ის ფორმატით, sheet-ებად გაშლილი, ერთ ფაილად.
პატივისცემით,
ლანა როყვა
