საჯარო დაწესებულებების სია

ლელა made this Freedom of Information request to Civil Service Bureau

This request has been closed to new correspondence. Contact us if you think it should be reopened.

The request was partially successful.

მოგესალმებით,

Საჯარო სამსახურის ბიუროს საჯარო ინფორმაციაზე პასუხისმგებელ პირს.

საქართველოს კონსტიტუციის და საქართველოს ზოგადი ადმინისტრაციული კოდექსის თანახმად, გთხოვთ მომაწოდეთ შემდეგი სახის საჯარო ინფორმაცია:

ყველა საჯარო დაწესებულების, მათ შორის სახელმწიფო ან ადგილობრივი თვითმმართველობის ბიუჯეტით დაფინანსებული კერძო სამართლის იურიდიული პირების სია. Გთხოვთ, დაწესებულების სიას თან ერთვოდეს უწყებების ვებგვერდები და ელ-ფოსტის მისამართები.

ზემოთ მოთხოვნილი ინფორმაცია, გთხოვთ, გამომიგზავნოთ ელექტრონული ფორმატით (Excel, csv, xml, pdf, word და ა.შ.).

Პატივისცემით,
ლელა მერაბიშვილი

info, Civil Service Bureau

1 Attachment

________________________________________
Subject: FW: საჯარო ინფორმაციის მოთხოვნა - საჯარო დაწესებულებების სია

მოგესალმებით,

თქვენი განცხადების პასუხად, დანართის სახით, გიგზავნით www.declaration.gov.ge-ის მონაცემთა ბაზებზე დაყრდნობით დაწესებულებების ჩამონათვალს.
აქვე გაცნობებთ, რომ ბიუროს მიერ მოწოდებული ჩამონათვალი მოიცავს მხოლოდ იმ დაწესებულებებს, რომელთა დასაქმებულები „საჯარო დაწესებულებაში ინტერესთა შეუთავსებლობისა და კორუფციის შესახებ“ საქართველოს კანონის მიზნებიდან გამომდინარე წარმოადგენენ თანამდებობის პირებს და ავსებენ თანამდებობის პირის ქონებრივი მდგომარეობის დეკლარაციას.
ამასთან, ბიუროს მიერ მოწოდებული ჩამონათვალი არ შეიცავს:
1. კულტურული, საგანმანათლებლო, სამეცნიერო, კვლევითი, სასპორტო და რელიგიური საქმიანობისთვის შექმნილ საჯარო სამართლის იურიდიულ პირებს.
2. კულტურული, საგანმანათლებლო, სამეცნიერო, კვლევითი და სასპორტო საქმიანობისათვის შექმნილ არასამეწარმეო (არაკომერციული) იურიდიულ პირებს.
3. სახელმწიფოს ან ადგილობრივი თვითმმართველობის ორგანოს მიერ დაფუძნებულ იმ არასამეწარმეო (არაკომერციული) იურიდიულ პირებს, რომელთა წინა წლის დაფინანსება შესაბამისი ბიუჯეტიდან (სახელმწიფო/ადგილობრივი თვითმმართველი ერთეული) არ აღემატება ასი ათას ლარს.
4. საწარმოებს (ამ საწარმოთა შვილობილი საწარმო), რომლის აქციათა ან წილის 100 პროცენტს ფლობს სახელმწიფო ან ადგილობრივი თვითმმართველობის ორგანო და რომლის სახელმწიფო დაფინანსება ან/ და ერთობლივი შემოსავალი, წინა წლის მოგების ყოველწლიური დეკლარაციის მიხედვით არ აღემატება ასი ათას ლარს.
ასევე, უწყებების ვებგვერდის და ელ.ფოსტის მონაცემებს ბიურო არ ამუშავებს.

პატივისცემით,

საჯარო სამსახურის ბიურო

show quoted sections

მოგესალმებით,

გმადლობთ ინფორმაციის მოწოდებისა და თანდართული განმარტებისთვის.

პატივისცემით,
ლელა მერაბიშვილი