მოგესალმებით,

განათლების საერთაშორისო ცენტრის საჯარო ინფორმაციის გაცემაზე პასუხისმგებელ პირს,

საქართველოს კონსტიტუციის და საქართველოს ზოგადი ადმინისტრაციული კოდექსის თანახმად, გთხოვთ მომაწოდეთ შემდეგი სახის საჯარო ინფორმაცია:

1. ცენტრის არსებობის მანძილზე, მაგისტრატურის საფეხურზე თითოეულ წელს დაფინანსებული აპლიკანტების რაოდენობა . გთხოვთ, მონაცემები მომაწოდოთ წლების მიხედვით. ასევე გთხოვთ, მომაწოდოთ მონაცემები როგორც უშუალოდ ცენტრის კონკურსით დაფინანსებული აპლიკანტების, ისე ყველა სასტიპენდიო პროგრამასთან თანამშრომლობით (ჩივნინგი, ფულბრაიტი...) დაფინანსებული აპლიკანტის შესახებ. გთხოვთ, ეს მონაცემებიც მოგვაწოდოთ წლების მიხედვით, ინდივიდუალურად თითოეული სტიპენდიის შესახებ.

2. ცენტრის არსებობის მანძილზე, მაგისტრატურის საფეხურზე ყოველწლიურად გაცემული გრანტების საერთო რაოდენობა თანხაში გამოსახული. მონაცემები საერთო საგრანტო თანხის შესახებ გთხოვთ, მოგვაწოდოთ წლების მიხედვით. ასევე, გთხოვთ, მონაცემები მომაწოდოთ როგორც უშუალოდ ცენტრის კონკურსით დაფინანსებული აპლიკანტების საერთო თანხის, ისე ყველა სასტიპენდიო პროგრამასთან თანამშრომლობის ფარგლებში (ჩივნინგი, ფულბრაიტი...) გაცემული დაფინანსების შესახებ, რომელთანაც ცენტრი თანამშრომლობს. გთხოვთ, ეს მონაცემებიც მოგვაწოდოთ წლების მიხედვით, ინდივიდუალურად თითოეული სტიპენდიის შესახებ.

3. ცენტრის არსებობის მანძილზე, წლების მიხედვით
მონაცემები, მაგისტრატურის საფეხურზე დაფინანსებული აპლიკანტების რა რაოდენობა (წილი) იყო დასაქმებული საჯარო სექტორში და რა რაოდენობა იყო დასაქმებული კერძო სექტორში. წინა შემთხვევების მსგავსად, ეს მონაცემებიც გთხოვთ, მოგვაწოდოთ როგორც უშუალოდ ცენტრის მიერ ჩატარებული კონკურსით დაფინანსებული აპლიკანტების, ისე სხვადასხვა სტიპენდიის ფარგლებში დაფინანსებული აპლიკანტების შესახებ.

4 .ცენტრის არსებობის მანძილზე, წლების მიხედვით, მაგისტრატურის საფეხურზე გაცემული გრანტების რაოდენობის წილი სფეროების/ მიმართულებების მიხედვით (მაგ, ჰუმანიტარული, საბუნებისმეტყველო) გთხოვთ, სფეროების შესახებ მონაცემები მომაწოდოთ ჩაშლილად, კონკრეტულად რა მიმართულებები შედის თითოეულ სფეროებში და გაცემული გრანტის რა წილი მოდის კონკრეტული სფეროზე. ეს მონაცემებიც გთხოვთ, მოგვაწოდოთ როგორც უშუალოდ ცენტრის მიერ ჩატარებული კონკურსით დაფინანსებული აპლიკანტების, ისე სხვადასხვა სტიპენდიის ფარგლებში დაფინანსებული აპლიკანტების შესახებ, წლების მიხედვით.

5. ცენტრის არსებობის მანძილზე, მაგისტრატურის საფეხურზე სტიპენდიის მინიჭებისა და სწავლის შემდეგ, საქართველოში დაბრუნებული აპლიკანტების რაოდენობა/წილი. ეს მონაცემებიც გთხოვთ, მოგვაწოდოთ როგორც უშუალოდ ცენტრის მიერ ჩატარებული კონკურსით დაფინანსებული აპლიკანტების, ისე სხვადასხვა სტიპენდიის ფარგლებში დაფინანსებული აპლიკანტების შესახებ წლების მიხედვით.

მოთხოვნილ ინფორმაცია, გთხოვთ, გამომიგზავნოთ ელექტრონული ფორმატით (Excel, csv, xml ...).

პატივისცემით,

ელენე ხაჭაპურიძე