მოგესალმებით საჯარო დაწესებულების იუსტიციის უმაღლესი საბჭო საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

1. საქართველოს იუსტიციის უმაღლესი საბჭოს მოქმედი რეგლამენტი;
2. 2024 წლის 24 აპრილს იუსტიციის უმაღლესი საბჭოს მდივნის ზეპირსიტყვიერი გადაწყვეტილების საფუძველზე სამოქალაქო საზოგადოებისა და მედიების წარმომადგენლების შენობის ფოიეში შესვლა შეიზღუდა; გთხოვთ განმარტოთ აღნიშნული გადაწყვეტილების როგორც სამართლებრივი, ასევე მიზნობრივი საფუძველი.
3. 2024 წლის 8 ივლისიდან სამოქალაქო საზოგადოების წარმომადგენლებს აღარ აწვდიან ინფორმაციას სხდომის დაწყებისა და დასრულების შესახებ, ასევე აღარ აძლევენ სხდომებზე დასწრების შესაძლებლობას. გთხოვთ განმარტოთ აღნიშნული გადაწყვეტილების როგორც სამართლებრივი, ასევე მიზნობრივი საფუძველი.
4. იუსტიციის უმაღლესი საბჭოს მიერ უკანასკნელი გამოქვეყნებული გადაწყვეტილება, რომლის ვებგვერდზე გამოქვეყნების ვალდებულებაც საბჭოს ორგანული კანონის საფუძველზე აქვს, მიღებული იქნა 2023 წლის 2 ივნისს. 2 ივნისის შემდგომ საბჭოში 33 სხდომა ჩატარდა და არაერთი განკარგულება/გადაწყვეტილება იქნა მიღბული, რომელთაგან არცერთი დოკუმენტი არ გამოქვეყნებულა. გთხოვთ განმარტოთ - რატომ არ ასრულებს იუსტიციის უმაღლესი საბჭო კანონით გათვალისწინებულ ვალდებულებას?
5. იუსტიციის უმაღლეს საბჭოს ორგანული კანონით ევალება სხდომის ჩანიშვნის შესახებ ინფორმაცია სხდომის გამართვამდე არანაკლებ 3 სამუშაო დღით ადრე გამოაქვეყნოს. იუსტიციის უმაღლესი საბჭო არც ამ ვალდებულებას არ ასრულებს. გთხოვთ განმარტოთ - რატომ არ ასრულებს იუსტიციის უმაღლესი საბჭო კანონით გათვალისწინებულ ვალდებულებას?

პატივისცემით,

მარი

მოგესალმებით საჯარო დაწესებულების იუსტიციის უმაღლესი საბჭოს საჯარო ინფორმაციის გაცემაზე პასუხისმგებელ პირს ეკა ქათამაძეს.

საჯარო ინფორმაციის გაცემისთვის კანონით დადგენილი ვადა ამოიწურა, შესაბამისად მაინტერესებს რატომ აგვიანებს იუსტიციის საბჭო საპასუხო წერილს და როდის გადმომეცემა გამოთხოვილი ინფორმაცია.

პატივისცემით,

მარიამ ქვარიანი