მოგესალმებით საჯარო დაწესებულების, თერჯოლის მუნიციპალიტეტის მერიაში საჯარო ინფორმაციის გაცემაზე პასუხისმგებელ პირს.

საქართველოს კონსტიტუციის მე-2 თავისა და საქართველოს ზოგადი ადმინისტრაციული კოდექსის მე-3 თავის შესაბამისად , დადგენილ ვადებში, გთხოვთ, მოგვაწოდოთ შემდეგი საჯარო ინფორმაცია:

რამდენი მერის წარმომადგენელი და ასისტენტი მუშაობს თქვენს მუნიციპალიტეტში? რამდენია მათი შრომითი ანაზღაურება? რამდენი წელია რაც ეს პოზიცია არსებობს? გთხოვთ, ჩაშლილად მოგვაწოდოთ ინფორმაცია 2018-2024 წლებში ამ პოზიციაზე გაცემული ხელფასების და პრემია-დანამატების, საწვავისა და სხვა ხარჯების შესახებ.

რა მოთხოვნებს უნდა აკმაყოფილებდეს პირი, ვისაც აღნიშნული თანამდებობის დაკავება სურს? აქვთ თუ არა უკვე დასაქმებულ პირებს წარმოდგენილი შესაბამისი დოკუმენტები (კომპეტენცია, განათლება) გთხოვთ მოგვაწოდოთ არსებული დოკუმენტაცია.

რა სამსახურებრივი ვალდებულებები აქვს მერის წარმომადგენელს და მის ასისტენტს(ებს)? გთხოვთ, მოგვაწოდოთ შესაბამისი დოკუმენტი (ადმინისტრაციული ხელშეკრულება) სადაც ეს უფლება-მოვალეობებია გაწერილი.

რა ფორმით ხორციელდება კონტროლი, თუ რამდენად ასრულებს მერის წარმომადგენელი/ასისტენტი ხელშეკრულებით განსაზღვრულ ვალდებულებებს? არსებობს თუ არა საჯარო დოკუმენტები, რაც მათ მიერ გაწეულ სამუშაოს ადასტურებს?

გთხოვთ, ინფორმაცია მომაწოდოთ ელექტრონულ ფორმატში და ჩემთან მიმოწერა იქონიოთ ელექტრონული ფორმით: [email address]
პატივისცემით,
ნინო აფაქიძე/ჟურნალისტი/აი, ფაქტი • ifact.ge