მოგესალმებით
საქართველოს პარლამენტის თავმჯდომარეს, პარლამენტის აპარატის საქმისწარმოების სამსახურს და საორგანიზაციო დეპარტამენტს, საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:

1) მოგმართავთ თხოვნით, საჯარო ინფორმაციის სახით მომაწოდოთ მე-8, მე-9, მე-10 და მე-11 მოწვევის პარლამენტის წევრთა უმაღლესი განათლების დამადასტურებელი დოკუმენტების შესახებ ინფორმაცია (გამცემი ორგანო, სწავლის პერიოდი, დიპლომის გაცემის თარიღი და ნომერი, სასწავლო ფაკულტეტი, სპეციალობა, განათლების ხარისხი - ბაკალავრი, მაგისტრი და ა.შ. (სასურველია დიპლომის ასლებთან ერთად) . ამასთან, დამატებით აღვნიშნავ, რომ ამჟამად მოკლებული ვარ შესაძლებლობას გავეცნო/ დავათვალიერო პარლამენტის ვებ გვერდზე მოცემულ ინფორმაციას.

2) გთხოვთ, მაცნობოთ რამდენმა ფიზიკურმა და რამდენმა იურიდიულმა პირმა (სასურველია მაუწყებლების, კვლევითი ორგანიზაციების მითითებაც) წარმიიღო უფლებამოსილი პირის თუ ორგანოს მიერ გაცემული სისხლის სამართლის კოდექსის 351-ე მუხლით გათვალისწინებული, სათანადო ნებართვა საქართველოს პარლამენტის დროებითი საგამოძიებო კომისიის მონაცემის შესაბამისი ფორმით დამუშავებასთან დაკავშირებით.

3) ჩემს 1-8869/25 01/10/2025 და 06/10/2025 განცხადებებიდან გამომდინარეც, ასევე, მომაწოდოთ ჩემს, ნიკოლოზ ნიკოლაძის მიერ წარმოდგენილი საკანონმდებლო წინადადებების ნუსხა, ამასთან, გთხოვთ, 31/01/2025-მდე დროებით შეაჩეროთ (დაბლოკოთ) ყველა იმ საქმის განხილვა, რომელიც არ არის დასრულებულად მიჩნეული/ ისინი შემდგომში საკანონმდებლო წინადადებების განხილვით გათვალისწინებულ პროცედურების გავლას კვლავ ექვემდებარებიან. ამასთან, ამ, მესამე პუნქტით გათვალისწინებული საკითხი ცალკე საპასუხო წერილით მომაწოდოთ, სადაც მაიდენტიფიცირებელ რეკვიზიტებად ასევე მიუთითოთ 08/10/2025 PDPS 0 25 00017239, 06/10/2025 N PDPS 4 25 00017035, PDPS 2 25 00016980, PDPS 4 25 00017035 მონაცემები და ადრესატთა შორის განსაზღვროთ პერსონალურ მონაცემთა დაცვის სამსახურიც.

გთხოვთ, შუალედურ ან საპასუხო წერილში, ადმინისტრაციული ორგანოს მიერ შედგენილ კორესპონდენციაში არ მიუთითოთ არც ჩემი ტელეფონის ნომერი, არც საცხოვრებელი მისამართი და არც პირადი ნომერი.

ცნობისათვის: რამდენადაც ვიცი - „პერსონალურ მონაცემთა ავტომატური დამუშავებისას ფიზიკური პირების დაცვის შესახებ კონვენციის მე-7 მუხლი (ავტომატიზებულ ფაილებში შენახული მონაცემების დაცვის მიზნით, მიღებული უნდა იქნეს უსაფრთხოების შესაბამისი ზომები მათი შემთხვევითი თუ არასანქცირებული დარღვევის, შემთხვევითი დაკარგვის, ასევე მათთან არასანქცირებული შეღწევის, შეცვლის ან გავრცელების წინააღმდეგ) და პერსონალურ მონაცემთა დაცვის შესახებ საქართველოს კანონის მე-4 მუხლის მე-7 პუნქტი (მონაცემების უსაფრთხოების დაცვის მიზნით მონაცემთა დამუშავებისას მიღებული უნდა იქნეს ისეთი ტექნიკური და ორგანიზაციული ზომები, რომლებიც სათანადოდ უზრუნველყოფს მონაცემთა დაცვას, მათ შორის, უნებართვო ან უკანონო დამუშავებისგან, შემთხვევითი დაკარგვისგან, განადგურებისგან ან/და დაზიანებისგან). „ელექტრონული დოკუმენტებისა და ელექტრონული სანდო მომსახურების შესახებ“ საქართველოს კანონის მე-5 მუხლის თანახმად, კვალიფიციური სანდო მომსახურების მიმწოდებელი ვალდებულია საქართველოს კანონმდებლობით დადგენილი წესით უზრუნველყოს პერსონალურ მონაცემთა დაცვა და ინფორმაციული უსაფრთხოების ინციდენტების მართვა.

სასურველია მოთხოვნილი ინფორმაცია აისახოს საპასუხო კორესპონდენციის ძირითადი ტექსტის ნაწილში ან დანართის სახით გამოგზავნის შემთხვევაში მოწოდებულ იქნეს სათანადო წესით დამოწმებული დოკუმენტის სახით (მათ შორის საქართველოს ზოგადი ადმინისტრაციული კოდექსის მე-20 მუხლის და ელექტრონული დოკუმენტებისა და ელექტრონული სანდო მომსახურების შესახებ საქართველოს კანონის მე-4 მუხლის მე-3 პუნქტის გათვალისწინებით)
განცხადება წარმოდგენილია ყოველგვარი დანართის გარეშე.
აქვე, აღნიშნული ინფორმაციის მოპოვება განპირობებულია ჩემს მიერ - ჟურნალისტიკური საქმიანობის განხორციელების მიზნებით.

პატივისცემით,

ნიკოლოზ ნიკოლაძე