მოგესალმებით საჯარო დაწესებულების ახალციხის მუნიციპალიტეტის მერია საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდოთ ინფორმაცია ქვემოთ ჩამოწერილ ინფრასტრუქტურულ პროექტებზე, რატომ გახდა საჭირო ახლიდან სარეაბილიტაციო სამუშაოების ჩატარება? ასევე, მაინტერესებს სად წავიდა პირველ ტენდერში გადახდილი თანხა, დაბრუნდა სახელმწიფო ბიუჯეტში, თუ დარჩა კომპანიას?

- ახალციხის მუნიციპალიტეტის სოფელ ივლიტაში არსებული სპორტული მოედნის შემოღობვის სამუშაოები;
- ახალციხის მუნიციპალიტეტის სოფელ ურავლის სპორტული მოედნის სარეაბილიტაციო სამუშოები;
- სოფლის მხარდაჭერის პროგრამის ფარგლებში ახალციხის მუნიციპალიტეტის სოფელ ხაკში სასმელი წყალის სისტემის სარეაბილიტაციო სამუშაოები;
- სოფლის მხარდაჭერის პროგრამის ფარგლებში ახალციხის მუნიციპალიტეტში სოფელ კლდეში სკვერის მოწყობის სამუშაოები;
- ქალაქ ახალციხეში ნიკოლაძის ქუჩის საყრდენი კედლის მოწყობის სამუშაოები;
- ქალაქ ახალციხეში, რუსთაველის ქუჩა N124-ში არსებული შენობების დემონტაჟისა და ღობის მოწყობის სამუშაოები;
- სოფლის მხარდაჭერის პროგრამის ფარგებში ახალციხის მუნიციპალიტეტის სოფლებში: აწყურში, ტყემლანაში და მუგარეთში გარე განათების მოწყობის სამუშაოები.

გთხოვთ, ინფორმაცია ჩაშალოთ შემდეგნაირად:
- პროექტის დასახელება
- ხელახალი სარეაბილიტაციო სამუშაოების ჩატარების მიზეზი
- გადახდილი თანხა დაბრუნდა სახელმწიფო ბიუჯეტში/არ დაბრუნებულა სახელმწიფო ბიუჯეტში.

გთხოვთ, ინფორმაცია მომაწოდოთ ექსელის ფორმატით და ჩემთან კომუნიკაცია აწარმოოთ მხოლოდ ამ ელექტრონული ფოსტის მეშვეობით.

გმადლობთ.

პატივისცემით,
მირანდა თეთრაძე

გთხოვთ, მომწეროთ განცხადების რეგისტრაციის ნომერი და თარიღი. გმადლობთ.

პატივისცემით,
მირანდა თეთრაძე

მოგესალმებით,

მადლობა ფაილისთვის, თუმცა მე სწორედ კონტრაქტის შეწყვეტის მიზეზები მაინტერესებს, რაც ფაილში მითითებული არ არის. გთხოვთ, მიუთითოთ და ისე გადმომიგზავნოთ.

ასევე, მაინტერესებს შესრულებულ სამუშაოში იგულისხმება, რომ ტენდერით გათვალისწინებული თანხა სრულად არ ჩარიცხვია და თანხის მხოლოდ ის რაოდენობა ჩაერიცხა, რა სამუშაოს ნაწილიც იყო შესრულებული. სწორად გავიგე ხომ?

პატივისცემით,
მირანდა თეთრაძე