მოგესალმებით,

 2025 წლის 5 თებერვლის  19/01250362986-01  განცხადების პასუხად გაცნობებთ,
რომ გარემოს დაცვის საქალაქო სამსახური სარეკრეაციო სივრცეების დაგეგმარებას,
განვითარებასა და განახლებას ახორციელებს არსებული სიტუაციის შესწავლის
შემდგომ. თავდაპირველად სამსახურის სამუშაო ჯგუფი სწავლობს კონკრეტულ
სივრცეს, მისი განვითარების შესაძლო პოტენციალს, მოსახლეობის საჭიროებებს და
ამუშავებს ტექნიკურ დავალებას, რის საფუძველზე ხორციელდება სივრცის
არქიტექტურული დიზაინის პროექტის სახელმწიფო შესყიდვა მოქმედი კანონმდებლობის
შესაბამისად. ხელშეკრულების გაფორმების შემდგომ, პროექტის შედგენამდე
მუშავდება წინასაპროექტო კვლევა, ხორციელდება ტერიტორიის დეტალური შესწავლა,
შესაბამისი სპეციალისტების მიერ; კეთდება შესაძლო რისკების და პრობლემების
ანალიზი; სამსახურის გადაწყვეტილება ამა თუ იმ სარეკრეაციო სივრცის
მოწყობა/რეაბილიტაციასთან დაკავშირებით ყოველთვის ეფუძნება, საჯარო
ინტერესებს, საზოგადოების სურვილებს და საჭიროებებს; ხშირ შემთხვევაში
ინიცირება ამა თუ იმ სივრცის განვითარებაზე სწორედ მოსახლეობის მხრიდან
მოდის. თითოეული სარეკრეაციო სივრცის გეგმარება ან რეაბილიტაცია, როგორც
ზემოთ აღვნიშნეთ, ძირითად შემთხვევებში ხორციელდება მოქალაქეების ინიცირების
საფუძველზე. გარდა ამისა, თითოეული ტენდერის ან კონკურსის შესახებ დეტალური
ინფორმაცია, საჯაროა და ხელმისაწვდომია სახელმწიფო შესყიდვების ელექტრონულ
პორტალზე. 

სამსახურის მიერ გამოცხადებული კონკურსების საფუძველზე გაფორმებული
ხელშეკრულების ფარგლებში გათვალისწინებულია რამდენიმე საჯარო განხილვის
მოწყობა, რაც უზრუნველყოფს მოსახლეობის საჭიროებების და ხედვების მოსმენას,
გათვალისწინებას და მათ ინტეგრირებას სარეკრეაციო სივრცის პროექტირებისას.
აღნიშნულის მაგალითია ევროსაბჭოს მიერ დაფინანსებული პროექტის ფარგლებში
ჩატარებული საჯარო განხილვა გლდანის მოსახლეობის და შესაბამისი
პასუხისმგებელი ორგანოების ჩართულობით, ასევე, თემქის ხევის და ვაკის პარკის
პროექტირებისას გამართული საჯარო განხილვები. აღნიშნული განხილვების შედეგები
აისახა პროექტირებისას.

დამატებით გაცნობებთ, რომ სამსახურის მიერ განხორციელებულ სამუშოებთან
დაკავშირებით დეტალური ინფორმაცია შეგიძლიათ იხილოთ სახელმწიფო შესყიდვების
სააგენტოს ვებგვერდზე: https://tbilisi.gov.ge/page/43 გამწვანების
ღონისძიებების პროგრამული კოდით (03.01).

ილია გელაშვილი

იურიდიული საქალაქო სამსახური-საჯარო ინფორმაციის ხელმისაწვდომობისა და
ეფექტური საჯარო მმართველობის მხარდაჭერის განყოფილება-მეორადი სტრუქტურული
ერთეულის ხელმძღვანელი (განყოფილების უფროსი)

══════════════════════════════════════════════════════════════════════════

From: თამარ <[მოთხოვნის #3366 ელ-ფოსტა]>
Sent: Wednesday, February 5, 2025 1:16:37 PM
To: Foi
Subject: საჯარო ინფორმაციის მოთხოვნა - ინფორმაცია თბილისის გამწვანების
პროექტებში საზოგადოების ჩართულობაზე
 
მოგესალმებით საჯარო დაწესებულების ქალაქ თბილისის მუნიციპალიტეტის მერია
საჯარო ინფორმაციის გაცემაზე პასუხისმგებელ პირს.

საქართველოს კონსტიტუციისა და საქართველოს ზოგადი ადმინისტრაციული კოდექსის
შესაბამისად, გთხოვთ, მომაწოდეთ შემდეგი სახის საჯარო ინფორმაცია:

ბოლო 10 წლის განმავლობაში თბილისის მწვანე სივრცეების რეაბილიტაციაში
საზოგადოების ჩართულობის დოკუმენტაცია, მათ შორის: საჯარო განხილვის
ანგარიშები, საჩივრები და საკანონმდებლო ცვლილებები.

პატივისცემით,

თამარ

-------------------------------------------------------------------

ეს წერილი გამოგზავნილია AskGov.ge-ის დახმარებით. ევროკავშირის და “ღია
მმართველობის პარტნიორობის” მხარდაჭერით, პლატფორმა ინფორმაციის გამოთხოვის
პროცედურის გამარტივებას და ინკლუზიურობას ემსახურება.

მოცემული წერილი წარმოადგენს საჯარო ინფორმაციის ელექტრონული ფორმით
მოთხოვნას და, სზაკ-ის 37-ე მუხლის თანახმად, საჯარო დაწესებულება
ვალდებულია, უზრუნველყოს მოქალაქის მოთხოვნაზე რეაგირება.

ინფორმაცია შეგიძლიათ გასცეთ ამავე წერილზე პასუხით, ან შემდეგ ელ-ფოსტაზე
წერილის გაგზავნით:
[მოთხოვნის #3366 ელ-ფოსტა]

თუ თქვენ არ ხართ საჯარო ინფორმაციის გაცემაზე პასუხისმგებელი პირი და ეს
წერილი შეცდომით მიიღეთ, ბოდიშს გიხდით. გთხოვთ, მოგვწეროთ შეცდომის შესახებ,
რათა ბაზიდან ამოვიღოთ თქვენი საკონტაქტო ინფორმაცია: [ელ-ფოსტა]
[1]http://askgov.ge/ka/change_request/new?b...

წერილზე გაცემული პასუხი საჯაროდ გამოქვეყნდება პორტალზე Askgov.ge.
კონფიდენციალურობის პოლიტიკა:
[2]http://askgov.ge/ka/help/officers

პატივისცემით, AskGov.ge-ის გუნდი.

-------------------------------------------------------------------

References

Visible links
1. http://askgov.ge/ka/change_request/new?b...
2. http://askgov.ge/ka/help/officers