გარდაცვლილი და ევთანაზირებული ცხოველების დაკრძალვის ადგილებისა და შესაბამისი ნებართვების შესახებ.
მოგესალმებით საჯარო დაწესებულების ცხოველთა მონიტორინგის სააგენტო საჯარო ინფორმაციის გაცემაზე პასუხისმგებელ პირს.
საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
საქართველოს ცხოველთა მონიტორინგის სააგენტოს
მოგმართავთ საჯარო ინფორმაციის მოთხოვნით.
გთხოვთ, მომაწოდოთ სრული და ამომწურავი ინფორმაცია საქართველოს მასშტაბით ყველა იმ კონკრეტული ტერიტორიისა და მისამართის შესახებ, სადაც ხდება გარდაცვლილი ან ევთანაზირებული ცხოველების დაკრძალვა ან განთავსება.
კერძოდ, მაინტერესებს:
1. ყველა იმ ტერიტორიის ზუსტი მისამართი და ადგილმდებარეობა, სადაც ხდება ცხოველების დაკრძალვა.
2. თითოეულ მისამართზე ცხოველების დაკრძალვის ოფიციალური ნებართვისა და შესაბამისი გადაწყვეტილების ასლი.
3. რა სამართლებრივი და სანიტარიული საფუძვლით ხორციელდება ცხოველების დაკრძალვა აღნიშნულ ტერიტორიებზე.
4. როგორ ხდება ცხოველების ნეშტის დაკრძალვა ან უტილიზაცია.
გთხოვთ, ინფორმაცია მომაწოდოთ ყველა შესაბამისი მისამართისა და თითოეულ ტერიტორიაზე დაკრძალვის ნებართვის დამადასტურებელი ოფიციალური დოკუმენტების ასლების მითითებით.
მინდა მივიღო ყველა ასეთი ტერიტორიის სრული ჩამონათვალი და არა მხოლოდ ცალკეული მაგალითები.
პატივისცემით,
ელენე
მოგესალმებით.
გაცნობებთ,რომ
სსიპ ,,ცხოველთა მონიტორინგის სააგენტოდან“ საჯარო ინფორმაციის
ელექტრონული ფორმით მოთხოვნის შემთხვევაში, დაინტერესებული პირის
განცხადება უნდა შეიცავდეს შემდეგ რეკვიზიტებს:
სსიპ ,,ცხოველთა მონიტორინგის სააგენტოს“ დასახელება;
განმცხადებლის სახელი, გვარი, პირადი ნომერი (იურიდიული პირის
შემთხვევაში სახელწოდება და საიდენტიფიკაციო ნომერი);
განმცხადებლის საცხოვრებელი მისამართი (იურიდიული პირის შემთხვევაში
იურიდიული მისამართი);
განმცხადებელი პირის საკონტაქტო ინფორმაცია: ტელეფონის ნომერი და
ელექტრონული ფოსტის მისამართი;
განმცხადებლის ხელმოწერა და თარიღი;
განცხადება უნდა იყოს სახელმწიფო ენაზე (ქართული ანბანით შედგენილი).
გაცნობებთ, რომ თქვენ მიერ გამოგზავნილი დოკუმენტაცია არ იქნა მიღებული
სსიპ - ცხოველთა მონიტორინგის სააგენტოს მიერ, რადგან განცხადებას არ
ახლავს განმცხადებლის ხელმოწერა. განგიმარტავთ, რომ ხელმოწერა, გულისხმობს
დოკუმენტის ბოლოს საკუთარი სახელისა და გვარის საწერი კალმით შესრულებულ
ჩანაწერს, (განცხადება უნდა იყოს დასკანერებული) ან ასევე, შეგიძლიათ,
გამოიყენოთ ელექტრონული კვალიფიციური ხელმოწერა (ID ბარათის მეშვეობით).
--
თბილისის მუნიციპალიტეტის მერია
სსიპ ცხოველთა მონიტორინგის სააგენტო
Tbilisi City Hall
LEPL Animals Monitoring Agency
0178, საქართველო თბილისი გურამიშვილის ჩიხი 5
Guramishvilis alley 5 Tbilisi Georgia, 0178
ცხელი ხაზი: 112
