მოგესალმებით
კომუნიკაციების კომისიას, კომისიის საჯარო ინფორმაციის გაცემაზე პასუხისმგებელ პირს.

როგორც თქვენთვის ცნობილია, 2025 წელს გაიმართა თვითმართველობის არჩევნები. მასში მონაწილეობდნენ ისეთი პოლიტიკური პარტიების წარმომადგენლები, რომელთაც სხვადასხვა ფორმით ხელი მიუწვდებოდათ მაუწყებლობაზე, მაგალითად ვარლამ წიკლაური წარდგენილი იყო ახალციხის მერობის კანდიდატად, მაგალითად - გირჩის ლიდერები, მუდამ სატელევიზიო ეთერში სხედან და მიჰყავთ გადაცემა, თუმცა, მათგან თუ ვინ იყო ჟურნალისტის სტატუსით გაფორმებული, ჩემთვის უცნობია. როგორც თქვენთვის ცნობილია, მაუწყებლობის შესახებ საქართველოს კანონით, რამდენადაც ვიცი - დაუშვებელია პოლიტიკური თანამდებობის პირის ან პოლიტიკური პარტიის წევრის მონაწილეობა ახალი ამბების ან საინფორმაციო პროგრამაში წამყვანის, ინტერვიუერის ან ჟურნალისტის სახით

საქართველოს კონსტიტუციისა და საქართველოს ზოგადი ადმინისტრაციული კოდექსის შესაბამისად, გთხოვთ, მომაწოდეთ შემდეგი სახის საჯარო ინფორმაცია:
1) გამოვლინდა თუ არა 2025 წლის თვითმართველობის არჩევნებისას პოლიტიკური თანამდებობის პირის ან პოლიტიკური პარტიის წევრის მონაწილეობა ახალი ამბების ან საინფორმაციო პროგრამაში წამყვანის, ინტერვიუერის ან ჟურნალისტის სახით;
2) მიმართა თუ არა რომელიმე პოლიტიკურმა პარტიამ საჩივრით კომისიას - 2025 წლის თვითმართველობის არჩევნებში საარჩევნო კამპანიის ან/და კანდიდატის წარდგენის და არჩევნების პერიოდის დროს მაუწყებლობის შესახებ საქართველოს კანონის ზემოხსენებული ნორმით გათვალისწინებული მოთხოვნის უგულვებელყოფაზე.

ცნობისათვის: რამდენადაც ვიცი - „პერსონალურ მონაცემთა ავტომატური დამუშავებისას ფიზიკური პირების დაცვის შესახებ კონვენციის მე-7 მუხლი (ავტომატიზებულ ფაილებში შენახული მონაცემების დაცვის მიზნით, მიღებული უნდა იქნეს უსაფრთხოების შესაბამისი ზომები მათი შემთხვევითი თუ არასანქცირებული დარღვევის, შემთხვევითი დაკარგვის, ასევე მათთან არასანქცირებული შეღწევის, შეცვლის ან გავრცელების წინააღმდეგ) და პერსონალურ მონაცემთა დაცვის შესახებ საქართველოს კანონის მე-4 მუხლის მე-7 პუნქტი (მონაცემების უსაფრთხოების დაცვის მიზნით მონაცემთა დამუშავებისას მიღებული უნდა იქნეს ისეთი ტექნიკური და ორგანიზაციული ზომები, რომლებიც სათანადოდ უზრუნველყოფს მონაცემთა დაცვას, მათ შორის, უნებართვო ან უკანონო დამუშავებისგან, შემთხვევითი დაკარგვისგან, განადგურებისგან ან/და დაზიანებისგან). „ელექტრონული დოკუმენტებისა და ელექტრონული სანდო მომსახურების შესახებ“ საქართველოს კანონის მე-5 მუხლის თანახმად, კვალიფიციური სანდო მომსახურების მიმწოდებელი ვალდებულია საქართველოს კანონმდებლობით დადგენილი წესით უზრუნველყოს პერსონალურ მონაცემთა დაცვა და ინფორმაციული უსაფრთხოების ინციდენტების მართვა.

მიზანშეწონილია ჩემთან საპასუხო ან შუალედური წერილით წარმოსადგენი განცხადებაში დაიშტრიხოს ანალოგიურად ზემოხსენებულისა, ჩემი პერსონალური მონაცემები
სასურველია მოთხოვნილი ინფორმაცია აისახოს საპასუხო კორესპონდენციის ძირითადი ტექსტის ნაწილში ან დანართის სახით გამოგზავნის შემთხვევაში მოწოდებულ იქნეს სათანადო წესით დამოწმებული დოკუმენტის სახით (მათ შორის საქართველოს ზოგადი ადმინისტრაციული კოდექსის მე-20 მუხლის და ელექტრონული დოკუმენტებისა და ელექტრონული სანდო მომსახურების შესახებ საქართველოს კანონის მე-4 მუხლის მე-3 პუნქტის გათვალისწინებით)
განცხადება წარმოდგენილია ყოველგვარი დანართის გარეშე.
აქვე, აღნიშნული ინფორმაციის მოპოვება განპირობებულია ჩემს მიერ - ჟურნალისტიკური საქმიანობის განხორციელების მიზნებით.

საპასუხო ან/და შუალედურ წერილს თან დაურთეთ ადმინისტრაციულ ორგანოში წარდგენილი განცხადების ასლი. აქვე, ჩემს განცხადებაში მოყვანილი გარემოებები, მხოლოდ ჩემთან შეთანხმებით და გადამოწმების შემდგომ გამოიყენეთ.

პატივისცემით,

ნიკოლოზ ნიკოლაძე