EMSC 7 22 00334573
21/09/2022
მოქალაქე ელენე ნოდიას
ელ. ფოსტაxxxxxxxxxxxxxxxxxxxxxxxxx@xxxxxx.xx
ქალბატონო ელენე,
სსიპ საგანგებო სიტუაციების კოორდინაციისა და გადაუდებელი დახმარების ცენტრმა განიხილა,
საქართველოს შინაგან საქმეთა სამინისტროს საჯარო სამართლის იურიდიული პირი -
საზოგადოებრივი უსაფრთხოების მართვის ცენტრი ,,112"-დან 2022 წლის 15 აგვისტოს N MIA 0 22
02256989 წერილით გადმოგზავნილი თქვენი განცხადება, რომელიც ეხება სსიპ ,,საგანგებო
სიტუაციების კოორდინაციისა და გადაუდებელი დახმარების ცენტრში“ 2020-2021 წლებში შემოსული
გამოძახებების თაობაზე სტატისტიკური ინფორმაციის მოწოდების საკითხს. წერილის პასუხად,
დანართის სახით გიგზავნით 2020-2021 წლების სტატისტიკურ მონაცემებს რეგიონების მიხედვით.
რაც შეეხება შეკითხვას, რამდენ შემთხვევაში ვერ მოემსახურა სასწრაფო სამედიცინო დახმარების
ბრიგადა პაციენტებს და დაგვიანების რამდენი შემთხვევა ფიქსირდება აღნიშნულ წლებში,
გაცნობებთ, რომ ცენტრი რეაგირებას ახორციელებს მიღებულ ყველა გამოძახებაზე და მუშაობს
შემთხვევის ადგილზე უახლოესი თავისუფალი ბრიგადის გაგზავნის პრინციპით. გამოძახების
მიღებისას თავისუფალი ბრიგადის არარსებობის შემთხვევაში, მისამართის გადაცემა ხორციელდება
პირველივე გათავისუფლებული სასწრაფო სამედიცინო დახმარების ბრიგადისთვის უახლოესი
ტერიტორიული პრინციპის დაცვით.
აქვე განვმარტავთ, რომ 2020 წლის მონაცემების არსებული სახით წარმოდგენა განპირობებულია
შემდეგი გარემოებით: საქართველოს ორგანულ კანონში „ადგილობრივი თვითმმართველობის
კოდექსი“ 2019 წლის 18 ოქტომბერს განხორციელებული N5204-Iს ცვლილების თანახმად, ქალაქ
თბილისის მუნიციპალიტეტის სსიპ - სასწრაფო სამედიცინო დახმარების ცენტრი რეორგანიზაციის
გზით მიუერთდა სსიპ - საგანგებო სიტუაციების კოორდინაციისა და გადაუდებელი დახმარების
ცენტრს. შესაბამისად, სსიპ - საგანგებო სიტუაციების კოორდინაციისა და გადაუდებელი დახმარების
ცენტრი არ ფლობს 2020 წლის სრულყოფილ მონაცემთა ბაზებს ქალაქ თბილისის მასშტაბით
სასწრაფო სამედიცინო დახმარების ბრიგადების მიერ შესრულებული გამოძახებების თაობაზე.
დანართი: Excel ფაილი
პატივისცემით,
დირექტორი
ალექსანდრე კუტიბაშვილი
