11/26/2025
საქართველოს სახალხო დამცველი
ირაკლი ფაღავას N6 
0144 თბილისი, საქარ თველო
ცხელი ხაზი:1481(24/7)
 
 
www.ombudsman.ge 
 
 
ელ-ფოსტა: xxxx@xxxxxxxxx.xx  
 
 
 
 
 
 
 
OFFICE OF PUBLIC DEFENDER  
OF GEORGIA 
 
 
 
26 ნოემბერი 2025 წ.
KA000093750587125
 
 
№ 25/9548
 
 
 
 
 
 
 
 ნიკოლოზ ნიკოლაძეს
 
 
 
ბატონო ნიკოლოზ,
 
საქართველოს  სახალხო  დამცველის  აპარატში  2025  წლის  12  ნოემბერს  შემოსული  თქვენი      #10449/25
განცხადების  პასუხად  გაცნობებთ,  რომ  საქართველოს  სახალხო  დამცველის  საქმიანობის  ერთ-ერთი
პრიორიტეტული მიმართულება ოკუპირებულ ტერიტორიებსა და საოკუპაციო ხაზის მიმდებარედ მცხოვრები
პირების უფლებრივი მდგომარეობის შესწავლაა. ამ მიზნით, სახალხო დამცველი პირადად ახორციელებს
ვიზიტებს  როგორც    საოკუპაციო  ხაზის  მიმდებარე  სოფლებში,  ისე    ორივე  მიმართულებით  არსებულ  ე.წ.
გამშვებ პუნქტზე და ადგილზე ეცნობა მოსახლეობის საჭიროებებს.
თქვენ  განცხადებაში  ერთ-ერთ  გამოწვევად  უთითებთ  ოკუპირებულ  ტერიტორიებზე  მცხოვრები
ადამიანებისთვის  ე.წ.  ბინადრობის  მოწმობის  გაცემის  საკითხს.  ამასთან  დაკავშირებით  გაცნობებთ,  რომ
სახალხო დამცველი ოკუპირებულ ტერიტორიებზე მცხოვრებ საქართველოს მოქალაქეებისთვის დე ფაქტო
დოკუმენტაციასთან  დაკავშირებულ  პრობლემებზე      წლებია  საპარლამენტო  ანგარიშებში  დეტალურად
საუბრობს.[1]
სახალხო  დამცველის  ხელთ  არსებული  ინფორმაციით  ოკუპირებულ  გალში  მცხოვრებთა  დიდი  ნაწილი
ეწინააღმდეგება  ბინადრობის  მოწმობის  აღებას,  რომელიც  მათ  უცხოელის  სტატუსს  ანიჭებს.  ბინადრობის
მოწმობას  მკაცრი  კრიტერიუმები  და  ვადა  აქვს.  ე.წ.  ბინადრობის  მოწმობა,    არ  ანიჭებს  ამ  დოკუმენტის
მქონე პირს უძრავ ქონებაზე საკუთრების უფლებას, რაც ერთ-ერთი ყველაზე მნიშვნელოვანი ფაქტორია. ამ
მოწმობით ადამიანებს ასევე არ შეუძლიათ ე.წ. ადგილობრივ არჩევნებში მონაწილეობის მიღება.
ოკუპირებული ახალგორის შემთხვევაში, კი, გადაადგილებისათვის აუცილებელია ე.წ. „საშვი“, რომელსაც
დე ფაქტო უშიშროების სამსახური გასცემს და რომელიც ფორმალურად ერთწლიანია. ახალი საშვის აღება
კი გარკვეულ თანხებთანაა დაკავშირებული.
რაც  შეეხება  სახელმწიფო  პენსიის  საკითხს,  გაცნობებთ,  რომ  საქართველოს  ოკუპირებულ  ტერიტორიებზე
მცხოვრები  ადამიანები,  როგორც  საქართველოს  მოქალაქეები  იღებენ  სახელმწიფო  პენსიას.  თუმცა,  აქვე
გაცნობებთ,  რომ  სახალხო  დამცველისთვის  ცნობილია  ისეთი  შემთხვევებიც  როდესაც  დე  ფაქტო
ხელისუფლებების  მიერ,  გადაადგილების  თავისუფლებაზე  დაწესებული  თვითნებური  შეზღუდვები,  ხელს
უშლის  ადგილობრივ  მოსახლეობას,  ისარგებლოს  სხვადასხვა  უფლებით,  მათ  შორის,  პენსიაზე
ხელმისაწვდომობით. გადაადგილების თავისუფლების საკითხს სახალხო დამცველი  ასევე მიმოიხილავს
თავის ყოველწლიურ ანგარიშებში.[2]
file:///tmp/tomcat8-tomcat8-tmp/752a5958-bfc7-4d77-81c5-88f59ac32040.html
1/2

---

11/26/2025
საქართველოს სახალხო დამცველი
ყოველივე  ზემოაღნიშნულის  გათვალისწინებით,  საქართველოს  სახალხო  დამცველის  აპარატი  საქმეზე
მოკლებულია  სხვაგვარი  რეაგირების  განხორციელების  შესაძლებლობას,  რის  გამოც  წინამდებარე
განცხადებაზე აპარატი ასრულებს წარმოებას.
პატივისცემით,
 
[1]  საქართველოს სახალხო დამცველის 2024  წლის ანგარიში, საქართველოში ადამიანის უფლებებისა და
თავისუფლებების  დაცვის  მდგომარეობის  შესახებ,  გვ.  23.  ინფორმაცია  ხელმისაწვდომია  ვებგვერდზე:
https://shorturl.at/MY9MH [20.11.2025].
[2] საქართველოს სახალხო დამცველის 2024  წლის ანგარიში, საქართველოში ადამიანის  უფლებებისა  და
თავისუფლებების  დაცვის  მდგომარეობის  შესახებ,  გვ.  22.  ინფორმაცია  ხელმისაწვდომია  ვებგვერდზე:
https://shorturl.at/MY9MH [20.11.2025].
 
 
საქართველოს სახალხო დამცველის
თამარ გვარამაძე
პირველი მოადგილე
file:///tmp/tomcat8-tomcat8-tmp/752a5958-bfc7-4d77-81c5-88f59ac32040.html
2/2

---