16 ოქტომბერი 2025
N 7373/01
მოქალაქე ნატალი ჩიხელაძეს
ელ.ფოსტა:
xxxxxxxxxxxxxxxxxxxxxxxxx@xxxxxx.xx
ქალბატონო ნატალი,
საქართველოს გარემოს დაცვისა და სოფლის მეურნეობის სამინისტროში, მიმდინარე
წლის 6 ოქტომბერს, შემოსული თქვენი #22164 წერილის პასუხად, გაცნობებთ, რომ სსიპ
გარემოს ეროვნული სააგენტო ბოლნისის რეგიონში წყლის ხარისხის მონიტორინგს
რეგულარულად აწარმოებს. კერძოდ, მდ. მაშავერასა და მის შენაკადებზე (კაზრეთულა,
ფოლადაური, ხრამი) მიმდინარეობს ზედაპირული წყლის სინჯების აღება. აღებული
სინჯები გარემოს ეროვნული სააგენტოს ატმოსფერული ჰაერის წყლისა და ნიადაგის
ანალიზის აკრედიტებულ ლაბორატორიაში იგზავნება, სადაც ისაზღვრება 35 ფიზიკურ-
ქიმიური პარამეტრი, მათ შორის: pH, ელექტროგამტარობა, გახსნილი ჟანგბადი,
შეწონილი ნაწილაკები, ჟბმ5, მთავარი იონები, ბიოგენური ნაერთები, სზან
(დეტერგენტები), მძიმე მეტალები. აღნიშნულ წერტილებში მიკრობიოლოგიური
მონიტორინგი არ ტარდება.
სსიპ გარემოს ეროვნული სააგენტო ოფიციალურ ვებ-გვერდზე მუდმივად ათავსებს
საინფორმაციო ბიულეტენს - „მოკლე მიმოხილვა საქართველოს საქართველოს გარემოს
დაბინძურების შესახებ“, რომელიც სხვა ინფორმაციასთან ერთად, ასევე მოიცავს
მონაცემებს მდ. მაშავერასა და მის შენაკადებზე ჩატარებული მონიტორინგის შედეგების
შესახებ.
იხილეთ ლინკი:
https://nea.gov.ge/Ge/Departments/Polution/Biulettins
ასევე გაცნობებთ, რომ ბოლნისის მუნიციპალიტეტში სამთო მოპოვებით საქმიანობას
აწარმოებს სამი კომპანია: "არ ემ ჯი გოლდი", "არ ემ ჯი კოპერი" და "კავკასიის სამთო
ჯგუფი". ხოლო 2013-2025 წლებში სამივე კომპანიის მიერ მოპოვებული ოქროს
რაოდენობა შეადგენს - 38684 კგ.-ს.
პატივისცემით,
ნანა ჩინჩილაკაშვილი
პირველადი სტრუქტურული ერთეულის ხელმძღვანელი
სტრატეგიული კომუნიკაციის დეპარტამენტი
https://edocument.ge/mea/public/#/7373-01-2-202510161407
