12 ივნისი 2025
N 4309/01
მოქალაქე ნინო მიროტაძეს
(ელ.ფოსტა: xxxxxxxxxxxxxxxxxxxxxxxxx@xxxxxx.xx)
ქალბატონო ნინო,
საქართველოს გარემოს დაცვისა და სოფლის მეურნეობის სამინისტროში, მიმდინარე წლის 27 მაისს შემოსული
#11479 განცხადების პასუხად გიგზავნით გარემოსდაცვითი ზედამხედველობის დეპარტამენტისა და სსიპ
გარემოს ეროვნული სააგენტოს მიერ, 2024-2025 წელს კონტროლისა და მონიტორინგის შედეგად გამოვლენილი
დაბინძურების ფაქტების შესახებ ინფორმაციას:
გარემოსდაცვითი ზედამხედველობის დეპარტამენტი
გარემოსდაცვითი ზედამხედველობის დეპარტამენტი უზრუნველყოფს გარემოს დაცვისა და ბუნებრივი
რესურსებით სარგებლობის სფეროში სახელმწიფო კონტროლს (გარდა სასარგებლო წიაღისეულის მოპოვების
ლიცენზიის ან წიაღით სარგებლობის ლიცენზიის პირობების შესრულების კონტროლისა) საქართველოს მთელ
ტერიტორიაზე, მათ შორის, მის ტერიტორიულ წყლებში.
დეპარტამენტი კონტროლს, 24 საათიან რეჟიმში, ქვეყნის მასშტაბით ახორციელებს სამართალდარღვევის
პრევენციისა და ასევე სამართალდარღვევის ფაქტების გამოვლენის მიზნით. ამასთან, მყისიერი რეაგირება
ტარდება გარემოს დაცვისა და სოფლის მეურნეობის სამინისტროს ცხელ ხაზზე (153) შემოსულ თითოეულ
შეტყობინებაზე, ასევე გარემოს ეროვნული სააგენტოს მიერ, მონიტორინგის პროცესში გამოვლენილ ფაქტებზე.
პარალელურად, გარემოსდაცვითი ინსპექტირების თანამშრომლები, რეგულარულად ატარებენ რეგულირების
ობიექტების გეგმიურ თუ არაგეგმიურ შემოწმებას.
გარემოსდაცვითი ზედამხედველობის დეპარტამენტის მიერ 2024-2025 წლებში განხორციელებული კონტროლის
შედეგად გამოვლენილი ზედაპირული წყლის ობიექტების (მდინარეების) დაბინძურების ფაქტების შესახებ
ინფორმაცია იხილეთ დანართში 1. აქვე გაცნობებთ, რომ თითოეულ გამოვლენილ ფაქტზე გატარებულია
შესაბამისი რეაგირება საქართველოს ადმინისტრაციულ სამართალდარღვევათა კოდექსისა და ნარჩენების
მართვის კოდექსის შესაბამისად.
გარემოს ეროვნული სააგენტო
გარემოს ეროვნული სააგენტო ზედაპირული წყლების ყოველთვიურ მონიტორინგს ახორციელებს წყლის
ხარისხის მაჩვენებლებზე. მიღებული შედეგები დარდება საქართველოს მთავრობის 2013 წლის 31 დეკემბრის
№425 დადგენილებით განსაზღვრულ დამაბინძურებელ ნივთიერებათა ზღვრულად დასაშვებ კონცენტრაციებს
და ნორმის გადაჭარბების დაფიქსირების შემთხვევებზე ინფორმაცია ეგზავნება გარემოსდაცვითი
ზედამხედველობის დეპარტამენტს შემდგომი რეაგირებისათვის.
გიგზავნით გარემოს ეროვნული სააგენტოს მიერ მონიტორინგის შედეგად 2024-2025 წლებში გამოვლენილი
ზედაპირული წყლის ობიექტების დაბინძურების ფაქტების შესახებ ინფორმაციას და აქვე გაცნობებთ, რომ
მხოლოდ მდინარეების შესახებ, მონიტორინგის შედეგად გამოვლენილი დაბინძურების ფაქტების სტატისტიკურ
მონაცემებს გარემოს ეროვნული სააგენტო არ ამუშავებს.
იხილეთ დანართი 2
დანართი 2 ფურცელი.
პატივისცემით,
ნანა ჩინჩილაკაშვილი
პირველადი სტრუქტურული ერთეულის ხელმძღვანელი
სტრატეგიული კომუნიკაციის დეპარტამენტი
https://edocument.ge/mea/public/#/4309-01-2-202506120949
