16 დეკემბერი 2025
SSA 5 25 01442103
Askgov.ge-ს ონლაინ პლატფორმის საშუალებით
შემოსული განცხადების პასუხად, ქალბატონ ელენეს
(ელექტრონული ფოსტა: xxxxxxxxxxxxxxxxxxxxxxxxx@xxxxxx.xx)
თქვენი 2025 წლის 27 მაისის N574778 განცხადების პასუხად, გაცნობებთ, რომ ,,სამოქალაქო
აქტების შესახებ“ საქართველოს კანონის მე-4 მუხლის 1-ლი პუნქტის ,,ა“ ქვეპუნქტის შესაბამისად,
საქართველოს იუსტიციის სამინისტროს მმართველობის სფეროში მოქმედი საჯარო სამართლის
იურიდიული პირი − სახელმწიფო სერვისების განვითარების სააგენტო, რომელიც თავის
უფლებამოსილებებს ახორციელებს ტერიტორიული სამსახურების მეშვეობით, სამოქალაქო აქტების
რეგისტრაციის ორგანოა. ამავე კანონის მე-3 მუხლის ,,ა’’ პუნქტის თანახმად, სამოქალაქო აქტი არის ამ
კანონით გათვალისწინებული იურიდიული მნიშვნელობის მქონე ფაქტი: დაბადება, მამობის დადგენა,
შვილად აყვანა, ქორწინება, განქორწინება, სახელის ან/და გვარის შეცვლა, გარდაცვალება;
ზემოაღნიშნულიდან გამომდინარე, სსიპ ,,სოციალური მომსახურების სააგენტო“ გარდაცვლილი
ბავშვების რაოდენობის, მათი გარდაცვალების მიზეზისა და გარემოების შესახებ ინფორმაციის
მიწოდების შესაძლებლობას მოკლებულია.
სსიპ ,,სოციალური მომსახურების სააგენტო“ კომპეტენციის ფარგლებში, თანდართული ფაილის
სახით, გიგზავნით სტატისტიკურ ინფორმაციას, ფულადი სოციალური დახმარების - საარსებო
შემწეობის მიმღები, 0-დან 18 წლამდე ასაკის პირთა შესახებ, სქესის, თვეებისა და რეგიონების
მითითებით, 2021-2024 წლებში.
დამატებით გაცნობებთ, რომ ფულად სოციალურ დახმარებაზე უფლებას განსაზღვრავს
ოჯახისათვის მინიჭებული სარეიტინგო ქულა. სარეიტინგო ქულის ზედა ზღვარი, რომლითაც
საარსებო შემწეობა ოჯახის ყველა წევრზე განისაზღვრება არის 65 000 ერთეული. რაც შეეხება ოჯახებს,
რომელთა სარეიტინგო ქულაც 120 001-ზე ნაკლებია - საარსებო შემწეობა განისაზღვრება ოჯახის
თითოეული 16 წლამდე ასაკის წევრისთვის.
აქვე გაცნობებთ, რომ სსიპ ,,სოციალური მომსახურების სააგენტოს“ ადმინისტრირების სფეროში
შემავალი სახელმწიფო პროგრამებით მოსარგებლე თუ სახელმწიფო გასაცემლ(ებ)ის მიმღებ
ბენეფიციართა შესახებ ყოველთვიურად განახლებადი სტატისტიკური ინფორმაციის (თითოეული
მუნიციპალიტეტისა თუ რეგიონის ჭრილში) მიღება შესაძლებელია სააგენტოს ოფიციალური ვებ-
გვერდის საშუალებით (მისამართი: https://ssa.moh.gov.ge, ჩანართი: “სტატისტიკა”).
დანართი - MS_xls-ის 1 ფაილი;
პატივისცემით,
დეპარტამენტის უფროსი
თამარ ცხვიტარია
