ადრესატი:
წერილის ნომერი:
16-0125136157
თარიღი:
16/05/2025
ვასილ აბულაძე
ქალაქ თბილისის მუნიციპალიტეტის ტრანსპორტისა და ურბანული განვითარების სააგენტო-
უფროსის მოადგილე
ბატონო ვასილ,
თქვენი 2025 წლის 14 მაისი N16-01251342190 მომართვის პასუხად, რომელიც ეხება ქალაქ
თბილისის მუნიციპალიტეტის მერიის იურიდიული საქალაქო სამსახურის 2025 წლის 13 მაისის №10-
01251332378 წერილით (მერიაში რეგისტრაციის №15-01251333349-16) გადმოგზავნილ სალომე
სივსივაძის განცხადებას (მერიაში რეგისტრაციის №19/01251332295-01), გაცნობებთ, რომ მოცემულ
მიწის ნაკვეთზე (საკადასტრო კოდი: №81.08.20.518) ვრცელდება როგორც “დედაქალაქის
მიწათსარგებლობის გენერალური გეგმის დამტკიცების შესახებ” ქალაქ თბილისის მუნიციპალიტეტის
საკრებულოს 2019 წლის 15 მარტის №39-18 დადგენილებით დამტკიცებული მიწათსარგებლობის
გენერალური გეგმის გრაფიკული ნაწილის-რუკის მიხედვით ზოგადი
სარეკრეაციო ზონა (რზ), ასევე
თბილისის გამწვანებული ტერიტორიების რუკით შემოთავაზებულია ზოგადი სარეკრეაციო ზონა (რზ)
(იხ.დანართი).
„დედაქალაქის მიწათსარგებლობის გენერალური გეგმის დამტკიცების შესახებ“ ქალაქ თბილისის
მუნიციპალიტეტის საკრებულოს 2019 წლის 15 მარტის №39-18 დადგენილების დანართი №2-ის 68-ე
მუხლის მე-2 პუნქტის შესაბამისად, თბილისის გამწვანებული ტერიტორიების რუკაზე დატანილი ზონები
და ქვეზონები ატარებს ოპერატიულ ინფორმაციას თბილისში არსებული და დაგეგმილი სარეკრეაციო,
სატყეო და ლანდშაფტური სივრცეების შესახებ და მისი გათვალისწინება სავალდებულოა სამშენებლო
და გეგმარებითი ნებართვების გაცემის პროცესში.
ზოგადი სარეკრეაციო ზონა (რზ) მოიცავს თბილისის განაშენიანებული ტერიტორიების
საზღვრებში არსებულ/დაგეგმილ გამწვანებულ ან/და გასართობ-დასასვენებელ ტერიტორიებს;
ზოგად სარეკრეაციო ზონაში (რზ) არ არის დადგენილი სამშენებლოდ განვითარების კონკრეტული
პარამეტრები, შესაბამისად, ტერიტორიის განვითარება ხდება ,,ქ. თბილისის მუნიციპალიტეტის
ტერიტორიის გამოყენებისა და განაშენიანების რეგულირების წესების დამტკიცების შესახებ “ ქ.
თბილისის მუნიციპალიტეტის საკრებულოს 2016 წლის 24 მაისის №14–39 დადგენილების მე-19 მუხლის
(სივრცით-ტერიტორიული განვითარების რეგლამენტების დადგენა ჩამოყალიბებული განაშენიანების
პირობებში) I პუნქტის თანახმად. განვითარების რეგლამენტები ან/და მიწის ნაკვეთის სამშენებლოდ
გამოყენების პირობები შეიძლება დადგინდეს დაგეგმარებითი თვალსაზრისით მოწესრიგებული
ტერიტორიის (მაგ.: კვარტალის) კვლევის საფუძველზე მიღებული არსებული მდგომარეობის
შესაბამისად ან 50 მეტრის გარშემო მდებარე ტერიტორიის კვლევის საფუძველზე.
ამასთან, საპროექტო მიწი ნაკვეთი მდებარეობს განაშენიანების კონტურს მიღმა და წარმოადგენს
გაუნაშენიანებელ/დაუგეგმარებელ ტერიტორიას.
განაშენიანების კონტური წარმოადგენს საზღვარს ქალაქის განაშენიანებულ და გაუნაშენიანებელ
ტერიტორიებს შორის და განისაზღვრება მის გარეთ არსებული ტერიტორიების საქალაქო სამშენებლო
განვითარების შეზღუდვის პირდაპირ პირობად. მოცემული შეზღუდვა ეყრდნობა ქალაქგეგმარებით
მოსაზრებებს და მისი კორექტირება შესაძლებელია მასშტაბით გათვალისწინებული ტექნიკური და
გააზრებითი ცდომილების ხარისხის ფარგლებში, შესაბამისი ქალაქგეგმარებითი დასაბუთების
საფუძველზე. მოცემული საზღვრის კორექტირების მიღმა, ფუნდამენტური ცვლილება წარმოადგენს
ცვლილებას კონცეფტუალურ დონეზე და შესაძლებელია მხოლოდ დოკუმენტისა და მისი მიდგომების
სისტემური რევიზიის პირობებში.
„ქ. თბილისის მუნიციპალიტეტის ტერიტორიების გამოყენებისა და განაშენიანების რეგულირების
წესების დამტკიცების შესახებ“ ქალაქ თბილისის მუნიციპალიტეტის საკრებულოს 2016 წლის 24 მაისის
№14–39
დადგენილებით
დამტკიცებული
წესების
მე-3
მუხლის
თანახმად,
თბილისის
ქალაქთმშენებლობითი განვითარების პრიორიტეტია არსებული განაშენიანებული ტერიტორიების
გამოყენების რაციონალიზაცია და ეფექტიანობის გაზრდა, მათ შორის ამორტიზებული ან/და
დეგრადირებული განაშენიანების განახლება-განვითარება.
გაუნაშენიანებელი
ტერიტორიების
ათვისება
დაიშვება,
მხოლოდ
განაშენიანებული
ტერიტორიების ქალაქგანვითარების პოტენციალის ამოწურვის ან/და საზოგადოებრივი ინტერესებიდან
გამომდინარე, საქართველოს კანონმდებლობითა და განაშენიანების რეგულირების წესებით
განსაზღვრული პროცედურებით მიღებული ქალაქთმშენებლობითი დოკუმენტებით.
ქალაქ თბილისის ტერიტორიის მიწათსარგებლობის ზოგადი უფლებრივი ზონირება განსაზღვრული
იყო 2009 წლის 5 ივნისიდან, ,,დედაქალაქის პერსპექტიული განვითარების გენერალური გეგმის
დამტკიცების შესახებ“ ქ. თბილისის საკრებულოს 2009 წლის 5 ივნისის №6-17 გადაწყვეტილების
შესაბამისად,
ხოლო
პერსპექტიული
განვითარების
გეგმის
დამტკიცებამდე,
უფლებამოსილ
ადმინისტრაციულ
ორგანოში
კონკრეტული
მიწის
ნაკვეთების
სამშენებლოდ
განვითარების
პარამეტრების დადგენის საკითხი განიხილებოდა ინდივიდუალურად, მიმდებარე ტერიტორიაზე
არსებული განაშენიანების ხასიათიდან გამომდინარე.
ინფორმაციის სახით გაცნობებთ, ,,დედაქალაქის პერსპექტიული განვითარების გენერალური
გეგმის დამტკიცების შესახებ“ ქ. თბილისის საკრებულოს 2009 წლის 5 ივნისის №6-17
გადაწყვეტილებით, ქალაქ თბილისში, დიდ ლილოში მდებარე N81.08.20.518 საკადასტრო კოდით
რეგისტრირებულ მიწის ნაკვეთზე ვრცელდებოდა სარეკრეაციო ზონა 3 (რზ-3) (იხ.დანართი).
აგრეთვე, „დედაქალაქის მიწათსარგებლობის გენერალური გეგმის დამტკიცების შესახებ“ ქალაქ
თბილისის მუნიციპალიტეტის საკრებულოს 2014 წლის 30 დეკემბრის №20-105 დადგენილებით
დამტკიცებული დედაქალაქის მიწათსარგებლობის გენერალური გეგმის მიხედვით, აღნიშნული
დროისთვისაც, საპროექტო ტერიტორიაზე ვრცელდებოდა სარეკრეაციო ზონა 3 (რზ-3) (იხ.დანართი).
პატივისცემით,
ოთარ ჩიტიძე
ქალაქ თბილისის მუნიციპალიტეტის ტრანსპორტისა და ურბანული განვითარების სააგენტო-უფროსის მოადგილე
